4 Méi

<< Méi >> Ah Se Sa Re Ke Ju Sa 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31   2024

Tanggal ieu dina sawatara taun panungtung 2019 | 2018 | 2017 | 2016 Baca ogé: Kalénder kajadian

4 Méi nyaéta poé ka- 124 dina sataun (ka-125 dina taun kabisat) dina kalénder Gregorian, sésana 241 poé.

Kajadian

• 1436 – Panelasan pangbarontak Swédia (kadieunakeun jadi pahlawan nasional), Engelbrekt Engelbrektsson.
• 1471 – Perang Kembang Ros: Patempuran Tewkersbury: Edward IV ngéléhkeun Tentara Lancaster sarta nelasan Edward ti Westminster, Pangéran Wales.
• 1493 – Paus Aléksander VI ngabagi Dunia Anyar antara Spanyol jeung Portugal sapanjang garis Démarkasi.
• 1626 – Pangjalajah Walanda, Peter Minuit, nepi ka Walanda Anyar (kiwari Pulo Manhattan) nunggang kapal See Meeuw.
• 1799 – Perang Anglo-Mysore: Patempuran Seringapatam: pangepungan Seringapatan réngsé nalika kota éta diserang sarta Tipu Sultan nemasing pati ku tentara pangepung Inggris nu dipingpin ku Jéndral George Harris.
• 1814 – Kaésar Napoléon nepi ka Protoferraio di Pulo Elba, ngamimitian pangbuanganna.
• 1814 – Raja Ferdinand VII ti Spanyol néken Dekrit 4 Méi, mulangkeun Spanyol kana absolutisme.
• 1869 – Patempuran Armada Laut Hakodate antara sésa-sésa Shogun Tokugawa ngalawan Karajaan Jepang lumangsung.
• 1886 – Skandal Haymarket: Bom dialungkeun ka pulisi nu keur ngajagaan nu darémo di Chicago, AS, nelasan dalapan urang sarta nyideraan 60 lianna. Para pulisi némbakan massa.
• 1893 – Koboy Bill Pickett nyiptakeun bulldogging, nyaéta kamampuan néwak ternak dina tandukna tuluy dibantingkeun kana lemah.
• 1904 – Amérika Sarikat ngamimitian pangwangunan Terusan Panama.
• 1912 – Italia nempatan Pulo Rhodes nu Yunani.
• 1932 – Di Atlanta, mafia Al Capone ngamimitian ngarandapan hukuman panjara dalapan taun alatan nyingkahan pajak.
• 1942 – Perang Dunia II: Patempuran Laut Koral dimimitian ku serangan ti pasawat-pasawat ti kapal induk AS Yorktown ka armada laut Jepang di Pulo Tulagi jeung Kapuloan Solomon.
• 1945 – Perang Dunia II: Kémp konséntrasi Neuengamme di deukeut Hamburg, dibébaskeun ku Tentara Inggris.
• 1945 – Perang Dunia II: Jérman nyerah di Lüneburg Heath kaasup sakabéh unit-unit Wehrmacht di Walanda, Dénmark jeung Jérman kulon kalér.
• 1946 – Di Teluk San Fransisco, Marinir AS ngaréngsékeun kakacoan salila dua poé di Panjara Féderal Alcatraz; lima jalma palastra dina kajadian éta.
• 1953 – Ernest Hemingway meunangkeun Hadiah Pulitzer sastra pikeun The Old Man and the Sea.
• 1959 – Panghargaan Grammy nu kahiji lumangsung di Berverly Hills, California. Perry Como & Ella Fitzgerald mareunang.
• 1961 – Malcolm Ross jeung Victor Prather ngahontal rékor pangluhurna maké balon gas dina gondola kabuka Strao-Lab V, nepi ka 113.740 kaki (34,67 km).
• 1970 – Perang Viétnam: Panémbakan Nagara Bagéan Kent: Garda Nasional Ohio dikirim ka Universitas Nagara Bagéan Kent sabada gangguan ka Kota Kent dina ahir minggu saméméhna, némbak opat mahasiswa nu teu mawa sanjata sarta nyideraan salapan urang lianna. Para mahasiswa éta protés kana kampanye militer AS di Kamboja jeung Viétnam Kidul.
• 1972 – Komite Tong Nyieun Galura, Hiji organisasi lingkungan nu ngora kénéh nu diadegkeun di Kanada taun 1971, sacara rasmi ngaganti ngaran jadi Yayasan Greenpeace.
• 1978 – Pasukan Pertahanan Afrika Kidul nyerang markas SWAPO di Cassinga di kidul Angola, nelasan kira-kira 600 jalma.
• 1979 – Margaret Thatcher jadi perdana menteri wanita munggaran di Karajaan Inggris.
• 1982 – Dua puluh palaut nemasing pati nalika kapal pangrusak Type 32 Inggris, Sheffield, katarajang ku misil Exocet Argentina dina Perang Falkland.
• 1988 – Kacilakaan PEPCON ngeundeukkeun Henderson, Nevada, harita di dinya bahan bakar Pasawat Ruang Angkasa kaduruk.
• 1989 – Skandal Iran-Kontra: Manten pagawé Gedong Putih, Oliver North, didakwa pikeun tilu kajahatan sarta katibanan salapan dakwaan lianna; dakwaanna dibolaykeun dina sidang banding.
• 1990 – Latvia ngaproklamirkeun kamerdékaan anyar sabada dikawasa ku Soviét.
• 1994 – PM Israél Yitzhak Rabin jeung pupuhu PLO Yasser Arafat néken pasini daméy nu nelah ku Pasini Oslo I, nu méré pamaréntahan sorangan di Jalur Gaza jeung Jericho.
• 1998 – Saurang hakim Sacramento, California, ngahukum “Unabomber” Theodore Kaczynski ku hukuman panjara saumur hirup ditambahan 30 taun sabada Kaczynsky nampa putusan banding nu nyalametkeun dirina tina putusan hukuman mati.
• 2007 – Greensburg, Kansas ampir-ampiran ancur total ku hiji tarajangan tornado EF5
• 2014 – Tilu jalma palastra sarta 62 lianna tatu dina serangan bom ganda di Nairobi, Kénya.
• 2019 – Tukang boksen Méksiko, Canelo Alvarez, ngahijikeun tilu gelar juara kelas manengah sabada meunang angka ti Daniel Jacobs di Arena T-Mobile di Las Vegas, Nevada.

Nu babar

• 1006 – Khwaja Abdullah Ansari, ahli Sufi Parsi (td. 1088)

• 1918 - Kakuei Tanaka Perdana Mentri Jepang ka-64 jeung 65.
• 1928 – Hosni Mubarak, présidén kaopat Mesir (td.2020)
• 1929 – Audrey Hepburn, artis Inggris (td. 1993)
• 1972 – Mike Dirnt, pamaén bass Amérika (Green Day)
• 1979 – Lance Bass, tukang ngawih Amérika (NSYNC)
• 1981 – Eric Djemba-Djemba, pamaén bola Kamérun
• 1987 – Cesc Fàbregas, pamaén bola Spanyol
• 1987 – Jorge Lorenzo, tukang balap motor Spanyol
• 1988 – Radja Nainggolan, pamaén bola Bélgia

Nu pupus

• 1799 – Tipu Sultan, pangwasa Mysore (l. 1750)

• 1980 – Josip Broz Tito, présidén Yugoslavia kahiji (l. 1892)

• 2012 – Rashidi Yekini, pamaén bola Nigeria (l. 1963)

Poé peré / poé panginget-nginget

• Poé Barang Béré Dunia

Tumbu luar

• https://en.wikipedia.org/wiki/May_4
• https://www.onthisday.com/events/may/4

Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.