Wikipédia

Anting Perak

Anting Perak téh buku antologi nu ngamuat carita pondok ti sawatara pangarang, boh pangarang Sunda, boh pangarang deungeun anu karyana geus ditarjamahkeun kana basa Sunda.[1]

Deskripsi Buku édit

Mimiti medal dina taun 1966,ku Penerbit Sargani & Co, kandelna 116 kaca, sarta ngamuat 6 carita pondok asli jeung 3 carita pondok tarjamahan.[1] Ieu antologi téh mangrupa seri buku antologi carita pondok nu munggaran pedalan éta penerbit.[1] Sapandeurieunana medal buku kadua maké judul Demi Pasukan jeung nu katiluna judulna Carecet Sulam.[1]Anting Perak téh dipilih jeung dipeting ku hiji tim redaksi nyaéta: Saini KM, Enoch Atmadibrata,jeung Djadja Sargani.[2] Dina milihna téh estuning maké ukuran pangaresep bae,demi carita pondok nu dipilih asalna kungsi dimuat dina sawatara majalah basa Sunda saperti majalah Mangle, Majalah Sunda,jeung sajabana.[1]

Eusina édit

  1. Tamu ti Birma karya Saini KM
  2. Kiai Moderen karya S.A. Hikmat
  3. Balebat Harepan karya AHS Armin Asdi
  4. Anting Perak karya Naneng Daningsih
  5. Kumbakarna karya Saleh Danasasmita
  6. Dehem karya Wahyu Wibisana.[2]

Rujukan édit

  1. ↑ a b c d e Rusyana,Yus.Ensiklopedi Sastra Sunda.Pusat Pembinaan dan Pengembangan Bahasa Depdikbud.Jakarta 1986.kaca 8
  2. ↑ a b Saini KM,spk.Anting Perak.Sargani & Co.Bandung 1966


  Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Anting_Perak&oldid=476028"