Wikipédia

Blink-182

Blink-182 nyaéta grup musik pop punk asal Poway, Kalifornia, Amerika anu dibentuk taun 1992[1][2][3]. Personil pertamana nyaéta Tom DeLonge (vokal jeung gitar), Mark Hoppus (vokal jeung bass), jeung Scott Raynor (drum)[1][2][3]. Blink-182 ngaran awalna nyaéta Blink wungkul, tapi lantaran aya grup musik asal Irlandiaa nu ngaranna sarua, jadi Tom saparakanca kapaksa ngaganti ngaran grup musikna ku cara nambahan angka 182 ditukangna[1][3]. Ieu angka dicokot tina ngaran hiji pilem anu judulna TURK! 182[1]. Taun 1997, sanggeus album DUDE RANCHE dirilis, Scott Raynor kaluar ti Blink-182 lantaran panyakit anu karandapan ku manéhna, terus posisi Scott digantikeun ku Travis Barker[1][2].

Personil Blink 182 ti kénca ka katuhu: Tom, Mark jeung Travis

Karir édit

 
Konsér di Bahrain

Mangsa vakum (2005-2008) jeung reuni édit

Bulan Pébruari taun 2005, Blink-182 dinyatakeun bubar, terus para personilna nyieun proyék séwang-séwangan[2]. Mark jeung Travisnaratas pikeun nyieun grup musik anyar jeung Shane Gallagher ti grup musik The Nervous return sarta Craig Fairbaugh ti grup musik Lars Fredicken & The Bastard[3]. Ieu grup musik dingaranan +44 (Plusfourtyfour)[2][3]. Sedengkeun Tom Delonge naratas usaha distro, Macbeth[3]. Terus ngumumkeun grup musik anyarna, Angels and Airwaves[3]. Taun 2009 kamari, Blink-182 ngumumkeun yén Tom saparakanca geus ngahiji deui terus bakal mawa matéri anyar sakaligus ngayakeun tur bareng jeung Weezer[3]. Blink-182 balik deui ka studio rekaman, terus ngarilis album kagenepnaNEIGHBORHOODS taun 2011 ieu[3].

Diskografi Album édit

Album rekaman pertamana dijudulan CHESHIRE CAT anu dirilis taun 1994, ti saprak ieu album dirilis, ngaran Blink-182 mulai dipikawanoh ku halayak[1]. Album kaduana dijudulan DUDE RANCH anu dirilis taun 1997. Diteruskeun ku album ENEMA OF THE STATE anu dirilis taun 1999. Sanggeus album ENEMA OF THE STATE kajual leuwih ti 4 juta kopi, Blink 182 ngarlis album The Mark, Tom, and Travis Show (The Enema Strikes Back) dina édisi terbatas (musim gugur taun 2000). Taun 2001, Blink 182 ngarilis album TAKE OFF YOUR PANTS AND JACKET, diteruskeun ku album UNTITLED taun 2003. Taun 2005. Blink 182 ngarilis album THE GREATES HITS anu nandakeun vakumna Blink 182. Sanggeus vakum, Blink-182 ngarilis album NEGHBORHOODS'[3].

Référénsi édit

  1. ↑ a b c d e f Blink-182-Kapanlagi.com(diaksés tanggal 5 Nopémber 2011)
  2. ↑ a b c d e Profil Blink-182 Archived 2011-11-09 di Wayback Machine(diaksés tanggal 5 Nopémber 2011)
  3. ↑ a b c d e f g h i j (en)Biografi Blink-182(diaksés tanggal 5 Nopémber 2011)


  Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Blink-182&oldid=653113"