Dido (dibaca DYE-Doe) anu boga ngaran asli Dido Florian Cloud de Bounevialle O'Malley Armstrong nyaéta penyanyi jeung penulis lagu asal Inggris[1]. Dido lahir di London, Inggris tanggal 25 Désémber 1971[1]. Indungna, Clare (Collins née) nyaéta sastrawati Perancis sedengkeun Bapana, WIlliam O'Malley Armstrong nyaéta manten ménéjer diréksi Sidgwick & Jackson[1]. Ngaran Dido dicokot tina ngaran Ratu Carthage (mitos), nalika leutikna, Dido sok dipoyok ku babaturanna alatan ngaranna anu anéh[1]. Bakat musik Dido geus katingali ti leurtik kénéh, Dido geus bisa maénkeun alat musik piano, recorder, jeung biola kalayan hadé[2].

Dido (2019)

Karir édit

Dido kaasup penyanyi anu jarang ngarilis album, salila 13 taun, Dido ngan ngarilis 3 album studio jeung 1 album EP (demo)[2]. Taun 1995, Dido mulai ngarekam sababaraha lagu anu geus dikumpulkeunana dina hiji koléksi anu dijudulan Odds & Ends anu ahirna dirilis ku Netterk dina format CD di taun nu sarua[2]. Taun 1999, Dido ngarilis album studiona anu dijudulan No Angel, ieu album kajual nepi ka 12 juta kopi tur meunang 10 platinum[2]. Album Life For Rent dirilis taun 2003, anu ditutup ku album Safe Strip Home dina taun 2008[2][3]. Tapi najan jarang ngaluarkeun album, Dido loba meunang panglélér kaasup ti MTV Europe Music Award, BRIT Award, dan ASCAP UK Award[2].

Référénsi édit

  1. a b c d (en)Biografi Dido - artist.letssingiti.com (diaksés tanggal 13 Nopémber 2011)
  2. a b c d e f Dido- kapanlagi.com (diaksés tanggal 13 Nopméber 2011)
  3. (en)Diskografi Album (diaksés tanggal 13 Nopémber 2011)