Gunung Kinabalu nyaéta gunung nu perenahna di deukeut kota Kinabalu, Sabah, Malaysia, bagian kalér pulo Bornéo nu legana 4343 km pasagi.[1][2] Sacara géografis aya di anatara 6o 0’ LU jeung 116o 21’ BT.[1] Tina bentukna Gunung Kinabalu kaasup kana jenis strato-vulcano.[1] Gunung Kinabalu miboga sababaraha puncak di antarana; Lows Peak, Lows Gully, King George Peak, King Edward Peak, Phalus Peak, Maslow Peak, Ugly Sister Peak, Kinabalu South Peak, St. Johns Peak, Alexandra Peak, Andrews Peak, West Peak, Dewalt Peak, Victoria Peak, No Name Peak, Tsukushi Peak, Cirque Peak, jeung North Peak.[1] Puncak nu pangjangkungna nyaéta Lows Péak, nu jangkungna 4101 mdpl.[1][2]

Gunung Kinabalu
Gunung Kinabalu, Malaysia

Sajarah Taman Nasional Gunung Kinabalu édit

Numutkeun sajarah, Gunung Kinabalu mimiti aya dina taun 1851.[1]Sir Hugh Low, saurang pagawé pamaréntahan ti Labuan Island nyieun catetan nu pangmimitina ngeunaan pendakian ka Gunung Kinabalu.[1] Dina taun 1962 ngadeg Sabah Park nu tujuanana pikeun ngariksa alam, élmu pangaweruh, jeung sajarah sangkan bisa dipaké ku masarakat umum. Sabah Park éta tuluy robah jadi Kinabalu Park dina taun 1964.[1] Masarakat di wilayah Gunung Kinabalu, hususna nu cicing di suku gunung Hill Dusuns (Kadazans) kaiket ku tradisi Sabah.[1] Suku Kadazans mangrupa ras panggedéna di Sabah.[1] Kecap Kinabalu asalna ti basa Kadazan, tina kecap Aki Nabalu nu hartina The reverd place of dead atawa a large rock inhabited by a spirit.[1]

Referensi édit

  1. a b c d e f g h i j k Wijaya, Harry dan Christian Wijaya. 2005. Jejek Sang Petualang. Yogyakarta: CV.Andi Offset. Halaman 205
  2. a b Tentang Gunung Kinabalu Archived 2012-01-03 di Wayback Machine diakses tanggal 11 November 2011