Basisir Sanur
Basisir Sanur nyaéta salah sahiji basisir nu aya di Bali.[1] Kurang leuwih 6 km ti puseur kota Denpasar, bisa dijugjug ku mobil, motor atawa kandaraan umum nu nyambungkeun pantai Sanur jeung Kota Denpasar.[2]
Ieu basisir miboga panjang 3 kilométer kalawan garis basisir nu nyanghareup ka wétan.[1] Pantai sanur kasohor ku amparan basisir nu ngeplak bodas.[1] Salian ti éta, pantai Sanur ogé mangrupa basisir nu miboga batu karang nu kacida éndahna.[1] Ngajadikeun hiji kaonjoyan ieu basisir dibandingkeun basisir lianna.[1] Sanur sorangan kasohor minangka awal kamekaran pariwisata lainna nu aya di Bali.[2] Nalika peuting bulan purnama, ieu basisir jadi tempat pangjugjugan.[2] Salian ti basisirna nu éndah, wisatawan ogé loba ngadatangan Museum Le Mayeur.[2]
Daérah pantai Sanur mangrupa alternatif keur para turis lokal atawa mancanagara nu hayang niis, nyingkahan raraméan saperti di Kuta, Legian atawa Seminyak.[1] Di ieu basisir, katingtriman jadi prioritas utama.[1] Salian ti éta, di ieu basisir ogé turis bisa ningali panonpoé bijil (sunrise) nu kacida éndahna tur béda jeung tempat lain.[1]
Hotel-hotel nu aya di Sanur di antarana waé Hyatt Sanur Bali, Sanur Beach Hotel, Mercure Resort Sanur, jeung Grand Bali Beach nu di jerona miboga lapangan golf.[1] Salian ti éta, minangkaan gedé hotel bintang lima nu aya di Sanur pasti miboga basisir sorangan (private beach) di tukangeun hotel.[1]
Referensi édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |