Pasar Modal

Pasar modal sarua jeung pasar umumna, nyaéta tempat papanggihna antara nu ngajual jeung nu meuli. Dina pasar modal, instrumén didagangkeun dina dangka panjang, saperti saham jeung obligasi. Éta instrumén téh loba variasina, saluyu jeung kamekaran kaayaan ékonomi jeung kompléksitas pausahaan. Ieu pasar geus aya ti saméméh perang, tur dina kamekaranana aya pasang aya surud.

Sri Mulyani Indrawati, Direktur Pelaksana Bank dunia jeung Menteri Keuangan Indonesia manten dina acara Indonesia Investor Summit and Capital Market Expo 2009. The Ritz-Carlton Pacific Place, Jakarta

Unsur-unsur Utama anu Ngarojong Ayana Pasar Modal

1. Ayana pausahaan atawa usaha lembaga lianna anu nawarkeun saham atawa obligasi kamasarakat anu geus nyumponan sarat anu diperlukeun.
2. Ayana masarakat invéstor, lembaga invéstasi saperti asuransi, dana pangsiun, jsb. anu daék meuli saham atawa obligasi.
3. Ayana lembaga pasar modal anu bisa nepungkeun nu butuheun waragad (demand of funds) jeung nu bogaeun waragad (suly of funds).
4. Ayana perantara jeung padagang éfék anu peranna salaku lembaga anu nyundang kana lembaga pasar modal.

Jenis-jenis Pasar Modal

• Pasar perdana, anu ngajual perdana éfék, saméméh éta éfék dijual ngaliwatan bursa éfék. Di dieu, éfék dijual kalawan harga émisi.
• Pasar Sekundér, anu ngajual éfék sanggeus di pasar perdana lekasan. Di dieu harga éfék ditangtukeun dumasar kurs.
• Pasar paralél, mangrupa panglengkep bursa éfék anu geus aya. Bursa paralél diayakeun ku Persatuan Perdagangan Uang dan Efek-efek (PPUE).

Lembaga anu Aya Patalina jeung Pasar Modal

1. Lembaga anu ngatur pasar modal, nyaéta BAPEPAM (Badan Pengawas Pasar Modal)
2. Instansi pamaréntah, nyaéta badan Koordinasi Penanaman Modal (BKPM)
3. Lembaga swasta, nyaéta akuntan publik, notaris, konsultan hukum, badan pangajén (Appraiser), jeung konsultan éfék (investment advisor).

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.