Tanggulun, Kadungora, Garut

Tanggulun nyaéta salah sahiji désa di kacamatan Kadungora, Kabupatén Garut, Propinsi Jawa Barat , Indonésia.

Désa Tanggulun
Kalurahan/Désa
Peta lokasi Kalurahan Tanggulun
Nagara	Indonésia
Propinsi	Jawa Barat
Kabupatén	Garut
Kacamatan	Kadungora

Profil Pamaréntahan

Desa Tanggulun ngagaduhan sababaraha kampung diantawisna:

1. Tanggulun
2. Kp. Baeud
3. Kp. Cirandaka Tonggoh
4. Kp. Cirandaka Lebak
5. Kp. Cigadog
6. Kp. Gajahngambung
7. Kp. Dangdeur
8. Kp. Cidadap

Profil Daérah

Wates Wilayah

Wates-wates desa Tanggulun:

• Palih kulon: Desa Mekarbaru (nu kapungkurna masih kacandak ka Tanggulun tapi saking legana nya dimekarkeun)
• Palih wetan: Desa Katasari
• Palih kidul: Desa Cisaat
• Palih kaler: Desa Ciaro (atos kacandak ka Kabupaten Bandung)

Géografis

Desa Tanggulun masih kaetang perkampungan anu tempatna gugundukan, kampung hiji sareng kampung liana kahalangan ku sawah, walungan, kebon tapi gotong royong antar kampung tetep saé teu kahalangan ku sadayana eta.

Démografi

Penduduk desa Tanggulun kinten-kinten 10.000 jiwa kalayan perkembangana 2% per taun. Mata pancaharian sadidinten seuseueurna mah tani, pami di persentasekeun:

1. 78% Tani
2. 10% Dagang
3. 5% Wiraswasta
4. 5% PNS
5. 2% Lain-Lain

Atikan

Tanggulun kaetang desa nu berkembang diantawisna di bidang pendidikan nu kaetang lokasina tebih ti pusat kota nu kinten-kinten 20 km, nya lantaran kinten-kinten 2 taunka pengker di Tanggulun ieu aya sakola anu diwangun kalebet sakola Aliyah sareng TK, nya sanaos setatusna yayasan tapi masarakat parantos digampilkeun. Kangge sepuh-sepuh nu murangkalihna bade ngalajengkeun pendidikan ka nu langkung luhur, mudah-mudahan ka payuna di sabudeureun wilayah desa Tanggulun bakal ngadeg universitas.

Angkutan

Wilayah atanapi lokasi Desa Tanggulun ieu kaetang setrategis ku lantaran jalan atos raoseun, malah mah aya jalan anu ka Bandung nu ngalangkungan wilayah desa Tanggulun (pami macet di Jalan Cagak, kandaraan seueur nu ngalangkung) sareng nu penting mah pamandangana endah, diapit ku gunung palih kulon Gunung Kaledong, palih wetan Gunung Haruman sareng palih kidul guneng Gede, sawah nu umpak-umpakan, teras transportasi sadidinten masarakat ngangge delman (sado) tapi teu sakedik ogé aya anu ngangge angkot sareng ojeg.

Poténsi

Pertanian

Bidang pertanian sakedik demi sakedik teras aya peningkatan terutama dina palawija.

Budaya

Budaya nu aya di Desa Tanggulun masih kaetang lumayan sae, diantawisna masih kénéh aya perkumpulan penca silat, kursus jaipongan sareng turun tumurun tukang nyawer masih aya.

Tumbu luar

• http://www.garut.go.id Archived 2006-05-23 di Wayback Machine