Tari Merak
Tari Merak mangrupa salah sahiji ragem tarian kréasi anyar anu asalna ti Jawa Tengah anu ngaéksprésikeun kahirupan sasatoan, nyaéta manuk merak. Tari merak diciptakeun ku saurang koréografer anu ngaranna Radén Tjétjé Somantri tuluy di taun 1965 dijieun koréografi anyar ku Dra. Irawati Durban Arjon jeung dibenerkeun deu dina taun 1985 anu tungtungna diajarkeun ka Romanita Santoso di taun 1993.
Deskripsi édit
Tari merak dicokot tina ngaran salah sahiji sato nyaéta Merak, manuk anu awakna sagedé hayam,anu buluna alus pisan kawas parada jeung dina huluna aya kukuncungan.[1] Kahirupan jalu merak nu sok mekarkeun bulu buntutna méh ngirut merak bikang jadi inspirasi pikeun Radén Tjétjé Somantri nyieun ieu tari.[2]
Dina pintonanna, ciri yén éta téh tari Merak nyaéta katingal tina pakéan anu dipaké ku pangibingna nyaéta pakéan anu motifna saperti merak. Kaén jeung bajuna ngagambarkeun wangun jeung warna bulu-bulu merak; héjo biru jeung/atawa hideung. Ditambah deui ku sapasang jangjangna anu ngalukiskeun jangjang atawa buntut merak anu keur dimekarkeun. Gambaran merak bakal leuwih jelas kalawan maké makuta (badong ) disebut “siger” nu ditambah hiasan sirah hulu merak anu bakal eundeuk nuturkeun gerakan sirah anu ngibing. Wangunna sapertii merak nu keur nungguan endogna kalawan di hareupna ngalintang dina beuheung jeung hulu merak maké bahan tina logam alumunium anu dipolés ku warna emas.[2]
Tarian ieu biasana ditarikeun babarengan, tilu pangibing atawa leuwih nu masing-masing boga fungsi salaku merak bikang jeung merak jalu. Pirigan gendingna nyaéta ngagunakeun lagu Macan Ucul. Dina adégan gerakan nu tangtu sakapeung waditra bonang ditakol ku bagéan panakolna nu heuras nepi ka tarik kadéngé sorana nyaéta dina adégan sapasang merak keur sosonoan.[2]
Di antara gerakan jieunan Radén Tjétjé Somantri sigana tari merak ieu nu pangkasohorna di Indonésia jeung di luar nagri. Teu heran lamun seniman Bali ogé, mahasiswa ASKI Denpasar, nyiptakeun tari Manuk Rawa anu mirip jeung tari Merak.[2]
 |
Artikel ini teu mibanda kategori. Pék bantuan Wikipedia pikeun nambahan kategori. Tag ieu dipasangkeun dina April 2017. |
Rujukan édit
- ↑ Danadibrata, R.A. 2006. Kamus Basa Sunda. Kiblat Buku Utama: Bandung.
- ↑ a b c d Rusliana, Iyus.2009.Kompilasi Istilah Tari Sunda.Bandung: Jurusan Tari, STSI Bandung.
3. http://www.disparbud.jabarprov.go.id/wisata/dest-det.php?id=337&lang=id Archived 2020-08-05 di Wayback Machine