Toké
| Toké | |
|---|---|
| |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Subordo: | |
| Kulawarga: | |
| Génus: | Gekko
|
| Spésiés: | G. gecko
|
| Ngaran binomial | |
| Gekko gecko (Linnaeus, 1758)
| |
Toké (Gekko gecko) mangrupa spésiés cakcak arboréal nokturnal (liar ti peuting) pituin Asia tenggara jeung Kapuloan Indo-Australia, sumebar ti India jeung Bangladés, nepi ka Indonésia jeung New Guinea kulon. Habitat asalna mah dina tatangkalan jeung gawir-gawir di leuweung hujan, tapi bisa ogé hirup di habitat manusa, mapay témbok jeung kenténg paimahan pikeun néang serangga mangsana. Sato ieu kagolongkeun karnivora nu agrésip, ngahakan rupa-rupa gegeremet, malah sok silih serang sasama jalu. Hirupna bisa nepi ka 7&mdash10 taun.
Ahir 1980-an jeung awal 1990-an, toké mimiti dibawa ka Hawaii, Florida, Belize, jeung sababaraha kapuloan Karibia.
Toké téh spésiés cakcak pangbadagna kadua, panjangna 30–40 cm (jalu), 20–30 cm (bikang), sarta beurat 150-300 g. Katémbongna lucu, sabab boga kelir cékas: tutul-tutul bulao, oranyeu, atawa beureum.
Toké téh kawentar (mun dibandingkeun jeung bangsa kadal lianna) ku sorana anu tarik. Ngaran "toké" ieu ogé dicokot tina sadana nalika ngajak kawin: "tokké... tokké..". Sato ieu mah, mun ngarasa kaancam téh tara kabur, malah calangap siap-siap narajang ngégél ka nu ngancamna. Mun geus ngégél, sakadang toké téh tara ngaleupaskeun gégélanana. Sangkan dileupaskeun, cenah mah ku cara dilelepkeun kana cai.
Sato ingon édit
Najan galak, toké sok dikukut alatan kelir awakna nu warna-warni. Tapi, nyéta, ku sabab galak téa, dikukutna téh cukup ku dikandangan baé. Miarana teu hésé, asal dibéré kandang nu nangtung (jangkung ka luhur), toké bisa nepi ka anakan.
Sumber rujukan édit
- Tokay gecko, Wikipédia édisi basa Inggris per 22 Pébruari 2006.
Tumbu kaluar édit
- Introduction into Belize
- Western New York Herpetological Society Tokay Gecko Care Sheet and Information Archived 2005-02-12 di Wayback Machine
- BBC Wildfacts
- Global Gecko Association: Tokay geckos Archived 2006-03-04 di Wayback Machine
- My experiences with and observations of Tokay Geckos Archived 2005-03-07 di Wayback Machine