Wasir
Wasir atawa Hemoroid atawa ogé ambéien nyaéta panyakit nu dilantarankeun megarna pembuluh getih (véna) nu aya di bagéan dubur atawa anus.[1] Aya ogé nu nyebutkeun yén wasir nyaéta panyakit di réktum jeung anus dilantarankeun ruksakna pléksus hemoroidalis (pembuluh getih nu aya di réktum jeung anus).[1]
Déskripsi édit
Wasir bisa digambarkeun ngaliwatan ayana jaringan nu nonjol dina saluran anal nu eusina pembuluh getih jeung jaringan nu ngarojongna ngawengku otot jeung sarta élastik.[2] Saluran anal nyaéta saluran nu panjangna opat sentiméter, nu diliwatan ku tinja ti réktum ka luar.[2]
Gejala jeung Pantangan édit
Gejala nu umumna tumarep di jalma nu boga panyakit wasir nyaéta:[3]
- Rasa panas atawa ateul di poros usus bagéan handap (anus).[3]
- Mucunghulna jaringan kulit di sisi liang anus.[3]
- Hésé jeung nyeri nalika miceun.[3]
- Sakapeung pendarahan nalika miceun.[3]
Pikeun jalma nu boga panyawat wasir, dipiharep eureun heula ngonsumsi tuangeun nu lada, minuman alkohol jeung tuangeun nu loba lemakna.[3] Lemak bisa ngalantarankeun bagéan-bagéan anus kendor.[3]
Réferénsi édit
- ↑ a b Budiman, Doddy. 2010. Mencegah dan Mengobati Wasir. Jakarta: PT Gramedia Pustaka Utama
- ↑ a b Suryo, Joko. 2010. Herbal Penyembuh Wasir dan Kanker Prostat. Jakarta: PT Bentang Pustaka
- ↑ a b c d e f g Redaksi AgroMedia. 2010. 273 Ramuan Tradisional untuk Mengatasi Aneka Penyakit. Jakarta: PT Agromedia Pustaka