xvYCC atawa Extended-gamut YCC nyaéta hiji rohangan kelir nu dipaké dina elektronika video set televisi panel rata, nu ngarojong 1.8 kalieun jumlah kelir nu dipaké dina rohangan kelir sRGB.[1] xvYCC ditetepkeun ku IEC Oktober 2005 tur dipublikasikeun Januari 2006 minangka IEC 61966-2-4. Spektrum nu leuwih lega tina backlighting LED ngaganti katoda tiis nyababkeun bisana nambah pamidang color gamut LCD.

xvYCC maké jangkah ajen nu lengkep (1 tepi ka 254 dina hiji rohangan 8-bit) pikeun midangkeun kelir. Dina BT.601 jeung BT.709, kelir RGB dipidangkeun ukur ku ajen 8-bit ti 16 tepi ka 235. Jangkah nu kawates ieu dijieun keur méré lolongkrang pikeun undershoot jeung overshoot, nu mangrupa sipat pasinyalan TV analog. Dina pasinyalan TV digital mah, undershoot jeung overshoot téh teu aya, ku sabab kitu ajen ti 1-15 katut 235-254 bisa dipaké keur midangkeun kelir nu sajati. Pikeun ngajaga kacocogan ka tukang jeung standar saméméhna, kelir standar beureum (red (R)), hejo (green (G)), bulao (blue (B)) jeung bodas (white) diitung kénéh maké susunan nu sarua dina rohangan kelir. Jangkah ajen digital nu leuwih rubak bisa méré lolongkrang keur midangkeun hejo kolot (deeper green), beureum kolot (deeper red), katut bulao kolot (deeper blue) - tur tangtuna ogé kelir-kelir panengah nu saméméhna aya dina saluareun wawates dina rohangan kelir CCIR 601.

Rohangan kelir televisi définisi luhur nu didefinisikeun ku BT.709 ngawengku ukur 45 persen tina ajen nu bisa dipaké lamun maké indeks RGB ti 1 tepi ka 254, sabab susunan éta kawates ukur 16 tepi ka 234 ku spesifikasi BT. Standar xvYCC maké standard 1 tepi ka 254, tur bisa nyandikeun (encode) leuwih ti dua kalieun jumlah ajen kelir. (Sistim sRGB aya antara BT.709 jeung sistim xvYCC, nu méré lolongkrang keur sakabéh kombinasi ajen R, G jeung B ti 16 tepi ka 235 - leuwih loba kombinasina, tapi henteu saloba dina xvYCC.)

Dina hiji paper nu diterbitkeun ku Society for Information Display taun 2006, pangarangna metakeun 769 kelir dina Munsell Color Cascade kana rohangan BT.709 jeung rohangan xvYCC. 55% tina kelir Munsell bisa dipetakeun kana gamut sRGB, tapi 100% kelir éta bisa dipetakeun kana gamut xvYCC.[2] Kelir u leuwih kolot bisa dijieun - contona beureum kolot bisa dijieun ku cara méré koefisien negatif kana kelir nu lalawanan.

Mekanisme keur mawa definisi sabudeureun gamut keur xvYCC geus didefinisikeun dina Spesifikasi HDMI 1.3. Sok sanajan fitur kelir anyar liana dina HDMI 1.3, Kelir Kolot (Deep Color), henteu diperlukeun keur ngangkut informasi kelir xvYCC, Deep Color geus ilahar dihubungkeun jeung xvYCC sabab fitur-fitur ieu dipaké babarengn dina sistim CE high-end pikeun ngaronjatkeun kualits gambar nu ditempo. Di saluhureun 480p jeung 576p, sistim Deep Color kudu maké kabel HDMI Kategori 2 (dituduhkeun ku hiji logo), nu cocog keur link clock rate saluhureun 75 MHz.[3]

Rujukan édit

  1. "HDMI 1.3 Update" (PDF). HDMI Licensing. 2006. Diakses tanggal 2006-08-30.  Archived 2009-09-09 di Wayback Machine
  2. Matsumoto et al, 19.2: xvYCC: A New Standard for Video Systems using Extended-Gamut YCC Color Space, SID '06 Digest, pp. 1130-1133. Available from http://www.sid.org.
  3. Keur mode EDTV (480p jeung 576p), data Deep Color 12-bit ogé bisa diangkut sapanjang tumbu make clock well sahandapeun wates rubak pita dina kabel Kategori 1.

Tempo oge édit

Tumbu luar édit