Kwok Joen Sian atawa nu leuwih dipikawanoh ku sebutan Yongki Komaladi lahir di Jakarta, tanggal 8 Agustus.[1] Manéhna lahir ti salah sahiji keluarga besar, dua puluh duduluran. Manéhna anak ti Kwok Pit Tjong jeung Liauw A Ho.[1] Manéhna ngabogaan tujuh lanceuk lalaki jeung genep lanceuk awéwé, sarta saurang adi awéwé, anu opat na mah tos maot.[1] Imahna aya di daérah Bilangan Jakarta Pusat.[1] Mimiti sakolana di SD Petojo, SMP PAX Kemakmuran, jeung SMU Katolik Ricci.[1] Sanggeus réngsé SMU taun 1976 - 1977, manéhna nuluykeun sakola di Singapura, di Swiss Cottage Secondary School jeung Stamford College Singapore, jurusan ilmu bisnis manajemen.[1] Basa harita kolotna muka usaha di widang bahan baku wangunan.[1]

Taun 1990 an, Yongki Komaladi ngamimitian usaha di widang sapatu.[1]. Ku lantaran leukeun, manéhna ngahontal kasuksesan kalayan merek dagang anu luyu jeung ngaranna éta.[2] Nalika ngamimitian usaha, manéhna ngarasa pesimis ku lantaran maké ngaran sapatu ku ngaran manéhna.[2] Beuki lila, usahana tambah maju, ayeuna mah usaha sapatuna geus dipikawanoh ku jalma réa. Ayeuna Yongki Komaladi sibuk ngurusan sababaraha show jeung ngurus kurang leuwih dalapan puluh usaha leuleutikan nu aya di sabaraha kota di Indonésia.[2]




Rujukan édit

  1. a b c d e f g h Profil Archived 2011-10-19 di Wayback Machine (Diakses tanggal 17 November 2011)
  2. a b c Yongki Archived 2012-01-11 di Wayback Machine (Diakses tanggal 17 November 2011)