.gov nyaéta domain undak luhur internét anu dipaké ku lembaga pamaréntah daérah, nagara bagian sarta féderal di Amérika Sarikat.[1] Domain gov managrupa salah sahiji domain undak luhur umum anu kagolong di zona akar Sistim Ngaran Domain internét.[2] Ieu domain mangrupa domain anu kawates pikeun pamaréntah.[2] Ari dipakéna husus ngan ukur instansi pamaréntahan di Amérika Sarikat wungkul, ku kituna dianggap minangka pangrojong domain undak luhur anu dikudukeun aya.[2] General Services Administration (GSA), lembaga indepénden anu boga tanggung jawab pikeun ngawas bisnis pamaréntah féderal Amérika Sarikat, boga fungsi minangka administrator pikeun domain gov.[2]

Dotgov

Salila taun 1980-an, Internet Assigned Numbers Authority (IANA) ngadélégasikeun domain gov ka Federal Networking Council (FNC), hiji kelompok nu diséwa ku Komite Nasional Sains dan Teknologi bidang Committee on Computing, Information and Communications (CCIC) pikeun nyayagakeun hiji forum pikeun gawé bareng dina nyumponan kagiatan panalungtikan, atikan, jeung misi operasional maranéhanana.[2] Tanggal 18 Juli 1997, FNC méré kawenangan ka GSA pikeun ngatur sarta ngokolakeun operasional domain gov domain liwat apingan Internet Engineering Task Force (IETF).[2]

Rujukan édit

  1. "Definition of: .gov". PCmag. Diakses tanggal 2016-01-26. [tumbu nonaktif]
  2. a b c d e f ".biz - ICANNwiki". ICANNwiki. Diakses tanggal 2016-01-26.