A.S. Roma
A.S. Roma nyaéta hiji kleub sépak bola ti Roma, Italia.[1][2] A.S. Roma panungtungan meunangkeun liga Seri A dina usun 2000-2001 ku asuhan palatih Fabio Capello.[rujukan?] Sanajan kitu, kleub ieu ngahasil nganjrek di runner-up Seri A teu kurang ti genep kali ti mimiti gagantian milénium.[1] Lian ti kitu, A.S. Roma ogé ngahasil meunangkeun dua trofi Coppa Italia ku asuhan Luciano Spalletti.[1] Panyetak gol panglobana sapanjang sajarah pikeun A.S. Roma nyaéta Francesco Totti.[1] A.S. Roma miboga stadion markas Stadio Olimpico anu kurang leuwih bisa ngawadahan 72.698 urang panongton.[rujukan?] Loba jujuluk anu nujul ka ieu kleub di antarana Giallorossi (Konéng jeung Beureum), La Maggica (The Magic One), i Lupi (Ajag).[1][2] Warna kostum jadi ciri hasna mah nyaéta konéng jeung beureum.[1]
Sajarah édit
A.S. Roma diadegkeun taun 1927 asalna mah tina paleburan tilu kleub dina raraga ngawangun hiji kleub anu bisa nyaingan kleub-kleub Italia kalér anu leuwih dominan.[2] Sanggeus jadi runner-up dua kali dina taun 1930-an, AS Roma suksés ngarebut gelar Scudetto munggaran taun 1942.[2] A.S. Roma pernah ngalaman dégradasi dina taun 1951, tapi bisa dipromosikan deui ka Serie A nalika aya dina asuhan manajer Giuseppe Viani.[1]
Kajawaraan édit
- Jawara Divisi Munggaran/Serie A: 3 kali dina taun 1941-42, 1982-83; 2000-01[1]
- Jawara Piala Italia/Coppa Italia: 9 kali dina taun 1963-1964, 1968-1969, 1979-1980, 1980-1981, 1983-1984, 1985-1986, 1990-1991, 2006-2007; 2007-2008[1]
- Jawara Piala Fairs/ Piala UEFA/Liga Eropa: 1 kali dina taun 1960-1961[1]
Rujukan édit
- ↑ a b c d e f g h i j Amazine Klub Bola Italia: Profil, Trofi, Fakta & Sejarah AS Roma[tumbu nonaktif] Diaksés 16 Méi 2015
- ↑ a b c d Detik AS Roma – Profil Tim Archived 2015-09-10 di Wayback Machine Diaksés 16 Méi 2015