Albedo

Albedo nyaéta besaran anu digunakeun keur ngukur babandingan antara inténsitas cahya panonpoé anu nepi ka beungeut planét kalawan dipantulkeun deui ka angkasa. Albedo asalna tina basa latin anu hartina bodas. Albedo raket patalina jeung suhu sarta temperatur hawa.

Skema geometri Albedo

Unggal anggota planét jeung tata surya miboga albedo anu teu sarua. Contona: Mérkurius miboga nilai albedo 0,07; Venus albedona 0,59; Bulan miboga albedo 0, 113; ari marcapada miboga albedo 0,4. Hartina, 40% tina radiasi solar nu ditarima ku marcapada dibalikeun deui ka ruang angkasa, marcapada ogé leuwih loba nyerep cahya panonpoé tibatan bulan. mingkin gedé nilai albédona, mingkin luhur suhu jeung temperatur hawa di éta daérah. Gedé leutikna nilai albédo gumantung kana sababaraha faktor di antarana:

1. wangun beungeut marcapada nu ngawengku beungeut marcapada nu padet miboga nilai albedo nu leuwih gedé tibatan beungeut marcapada anu lemes; taneuh vegetasi miboga nilai albedo nu leuwih leutik tibatan taneuh anu dugul; daérah pagunungan miboga nilai albedo nu leuwih leutik tibatan daérah anu rata; beungeut anu leueur miboga nilai albedo anu leuwih gedé tibatan beungeut anu keusrak.
2. Warna beungeut, beungeut anu warnana cerah miboga nilai albedo leuwih gedé dibandingkeun beungeut anu warnana poék.
3. Posisi beungeut marcapada, daérah khatulistiwa leuwih loba narima cahya panonpoé tibatan di daérah lintang luhur.
4. éfek rumah kaca bakal ngaronjatkeun nilai albedo hiji daerah nepi ka ayana pemanasan global.

Konsep albedo loba dipaké dina widang astronomi jeung klimatologi. Dina klimatologi, albedo patali jeung suhu sarta temperatur hawa jeung aspék-aspék lianna. Ari dina astronomi, albédo bisa digunakeun keur ngukur sarta ngira-ngira wangun beungeut planét jeung temperaturna.