Buka ménu utama

Argumén periapsis (ogé disebut argumén perifokus atawa argumén perisénter), disimbulkeun minangka ω, nyaéta salah sahiji élemén orbit ti hiji banda nu ngorbit. Upama diwincik mah, ω mangrupa juru antara periapsis orbit (titik deudeukeutan pangdeukeutna ka titik puseurna) sarta nodeu naék orbit (titik tempat banda langit ngaliwatan widang référénsi ti Kidul ka Kalér). Ieu judu diukur dina widang orbit sarta arah gerakanna. Pikeun jenis-jenis orbit tinangtu, kekecapan kawas "perihélion" (pikeun orbit nu museur ka Panonpoé), "perigéa" (pikeun orbit nu museur ka Marcapada), "periastron" (pikeun orbit ngurlingan béntang) sarta lianna bisa ngagantikeun kecap "periapsis". Tingal apsis pikeun dadaran leuwi jero.

Argumén periapsis 0° hartina yén banda nu ngorbit bakal aya dina deudeukan pangdeukeutna kalawan banda puseur dina waktu nu sarua nalika ngaliwatan widang référénsi ti Kidul ka Kalér. Argumén periapsis 90° hartina yén banda nu ngorbit bakal nepi ka periapsis dina jarak pangkalérna ti widang référénsi.

Nambahkeun argumén periapsis ka bujur nodeu naék bakal ngasilkeun bujur periapsis. Ngan, hususna dina sawala béntang binér jeung éksoplanét mah istilah "bujur periapsis" atawa "bujur periastron" sok dipaké sarua kawas "argumén periapsis".

Gbr. 1: Diagram élemén orbit, kaasup argumén periapsis (ω).

IitunganÉdit

Dina astrodinamika, argumén periapsis ω bisa diitung siga kieu:

 
(jika   maka  )

nu mana:

  •   nyaéta véktor nu nyanghareup ka nodeu naék (hartina komponén -z   miajén nol),
  •   nyaéta véktor ékséntrisitas (véktor nyanghareup ka periapsis).

Dina perkara orbit katulistiwa, sanajan arguménna can ditangtukeun, sok diasumsikeun yén:

 

nu mana:

  •   nyaéta komponén-x ékséntrisitas véktor  

Dina perkara orbit bunderan sok diasumsikeun yén periapsis ditempatkeun di nodeu naék sarta hasilna ω=0.

Tempo ogéÉdit

RujukanÉdit