Basa Tagalog
Basa Tagalog nyaéta basa anu loba dipaké di Pilipina. Ieu basa masih kénéh aya hubungan kulawarga jeung basa di Indonésia (Kalimantan jeung Gorontalo - Sulawesi Kalér, utamana basa Mongondow) jeung Malaysia (Sabah). Basa Tagalog ieu abus kana kulawarga basa Austronésia,[1] babarengan jeung basa Maori, Indonésia, Malayu, Hawaii, jeung basa suku di Taiwan . Kasaruaan jeung basa Indonésia téh aya dina lobana sasaruaan kosa kata saperti anak, mahal, murah, kambing, ako, ikaw, jeung réa-réa deui.[2]
Jumlah panyatur
éditTagalog téh salah sahiji dialék tina basa resmi nagara Pilipina. Basa ieu dipaké salaku basa indung ku kira-kira 21 juta jelema, jeung sakitar 50 juta deui maké éta basa minangka basa kadua. Kusabab jumlah panyaturna kacida lobana, loba urang Indonésia nyangka yén Tagalog téh basa resmi. Panyatur asli basa Tagalog lolobana cicing di sababaraha propinsi kawas Bulacan, Bataan, Aurora, Batangas, Cavite, Laguna, Metro Manila, Nueva Ecija, Quezon, jeung Rizal. Salian ti éta, di luar Pulo Luzon, basa Tagalog ogé dipaké di Kapuloan Lubang, Marinduque, jeung bagian kalér jeung wétan Pulo Mindoro.[3]
Rujukan
édit- ↑ PoliLingua. "Tagalog's Timeline: From Ancient Script to National Status". www.polilingua.com (Dina basa Inggris). Diaksés tanggal 2025-05-30.
- ↑ Times, I. D. N.; Amrina, Ulli. "11 Kata Bahasa Tagalog yang Sama Persis dengan Bahasa Indonesia". IDN Times (Dina basa In-Id). Diaksés tanggal 2025-05-30. Pemeliharaan CS1: Bahasa yang tidak diketahui (link)
- ↑ "What Country Speaks Tagalog?". worldpopulationreview.com (Dina basa Inggris). Diaksés tanggal 2025-05-30.