Christina Aguilera mangrupa salah sahiji artis anu kahot, putra ti saurang bapa anu miboga kasang tukang militér jeung indungna anu profésina musisi[1].Christina saurang penyanyi jeung panulis lagu AS anu dipikawanoh miboga kamampuh sora jeung gaya raksukan anu anéh[2]. Aguilera ngamimitian karirna di dunya hiburan nalika umurna 9 taun, minton di Star Search jadi anggota pamaén ti Mickey Mouse Club salila dua taun. Tuluy manéhna ngarilis single All I Wanna Do di Jepang jeung béntang pop lokal Keizo Nakanishi[1]. Christina Aguilera ngaran lengkepna nyaéta Christina Maria Aguilera, nénéhna Chrissy, X-Tina, Baby Jane, jeung Candy[1]. Jangkungna nyaéta 1.56 m anubabar ping 18 Desember 1980 di Staten Island, New York[1]. Taun 1998, Aguilera jadi artis anu moyan nalika ngarilis " Reflection " pikeun soundtrack Disney Mulan[1]. Album self-titled-na dituturkeun ku single Genie In A Bottle anu suksés dijual paling loba di AS[1]. Sabada meunangkeun Grammy 1999 pikeun kategori Best New Artist, single "What A Girl Wants" jeung "Come On Over Baby (All I Want Is You) jadi raja dina tangga lagu deui di bulan Januari taun 2000[1]. Ku ayana lagu-lagu versi Spanyolna Christina anu judulna Mi Reflejo jeung versi jilid LaBelle "Lady Marmalade" pikeun soundtrack Moulin Rouge ogé jadi hits di taun éta[1]. Patali jeung pasualan pribadina, Christina kawin jeung saurang éksékutif rékaman Jordan Bratman anu kawin ping 19 November 2005[2]. Christina Aguilera jeung salakina Jordan Bratman nataharkeun lahirna Max Liron Bratman anu babar ping 12 Januari 2008, tuluy sabulan ti harita Christina minton pikeun nawarkeun DVD anyar Back to Basics: Live and Down Under 2008[1]. Opat single laguna bisa aya dina posisi raja lagu dina daftar Billboard Hot 100, anu meunangkeun tilu kali Grammy Awards jeung sakali meunangkeun Latin Grammy Award[2].

Christina Aguilera

Referensi édit

  1. a b c d e f g h i Biografi Christina Aguilera(diakses 23 November 2011)
  2. a b c Christina Aguilera(diakses 23 November 2011)