Febri Haryadi
Febri Haryadi (gumelar di Bandung, 19 Pébruari 1996; umur 28 taun) nyaéta salah saurang pamaén maénbal Indonesia anu maén keur persib bandung di Liga Indonésia.[1] Febri Haryadi kaasup salah sahiji pamaén tim nasional nu diandelkeun malah kagolong kana pamaén anu pangsibukna dipanggil tim nasional nu dilatih ku Luis Milla Aspas.[1]
| Informasi pribados | |||
|---|---|---|---|
| Nami lengkep | Febri Hariyadi | ||
| Lahir | 19 Pébruari 1996 | ||
| Tempat lahir | Bandung, Indonesia | ||
| Posisi | Sayap | ||
| Informasi klub | |||
| Klub ayeuna | Persib Bandung | ||
| Nomor | 13 | ||
| Karir junior | |||
| Taun | Tim | ||
| 2005–2015 | INDONESIA | ||
| Tim nasional | |||
| Taun | Tim | Midang | |
| 2017– | Indonesia | 8 | (1) |
|
| |||
Karir édit
Persib Bandung édit
Febri Haryadi téh asli jebolan Diklat Persib.[2] Asup tim Maung Ngora U-21 Persib Bandung kalawan maén di Indonésia Super Léague U-21 dina umur 17 taun.[2] Sanggeus kitu tuluy ngeusi kuota pamaén U-21 dina turnamén Piala Jendral Sudirman 2016.[2] Karirna ti waktu ka waktu beuki ngaronjat luyu jeung kamampuhna nepi ka bisa mawa Jawa Barat jadi pinunjul kahiji dina PON (Pekan Olahraga Nasional) 2016.[2] Febri Haryadi mimiti jadi bagian tim Persib Bandung dina turnamén Indonesia Soccer Championship A 2016 jeung dikontrak salila 4 tahun.[1] Febri Haryadi ngalaman jadi pamaén inti mimiti waktu Indonesia Soccer Championship A 2016 ngalawan Sriwijaya FC.[2] Febri dipaénkeun ku pelatih Dejan Antonic di menit ke-78 ngagantikeun Samsul Arif.[2] Sanajan ukur maén 12 menit dina waktu normal, Febri miboga pangalaman anu matak nyugemakeun komo maén ngalawan tim nu sarua kuat Sriwijaya FC.[2]
Pamaén Pangmahalna édit
Febri Haryadi dina taun 2017 kaasup salah sahiji pamaén élit Indonesia anu miboga harga transfer anu mahal. Nurutkeun data trasfermarket harga Febri téh 158 rebu euro (2,5 Milyar).[3] Malah taun 2018 mah naék jadi 175 rebu euro (3 Milyar).[4]
Rujukan édit
- ↑ a b c "Febri Haryadi, Pemain Persib Bandung yang Jadi Pemain Timnas Indonesia Tersibuk Selama Tahun 2017 - Tribunnews.com" (dalam bahasa id-ID). Tribunnews.com. http://www.tribunnews.com/superskor/2018/01/02/febri-haryadi-pemain-persib-bandung-yang-jadi-pemain-timnas-indonesia-tersibuk-selama-tahun-2017. Diakses pada 2018-02-18
- ↑ a b c d e f g "Profil, Biodata dan Perjalanan Karir Febri Haryadi | MATA BOLA". www.mata-bola.com (dalam en-US). Diakses tanggal 2018-02-18. Archived 2017-09-12 di Wayback Machine
- ↑ "Profil dan Biografi Febri Hariyadi Pemain Termahal Indonesia - Sepakbolalokal.com" (dalam bahasa id-ID). Sepakbolalokal.com. 2017-09-02. https://sepakbolalokal.com/ligaindonesia/profil-dan-biografi-febri-hariyadi-pemain-termahal-indonesia.html. Diakses pada 2018-02-18[tumbu nonaktif]
- ↑ "Febri Haryadi - Player Profile 2018" (dalam bahasa en). https://www.transfermarkt.com/febri-haryadi/profil/spieler/506019. Diakses pada 2018-02-18