Ginjal

Ginjal nyaéta organ ékskrési nu bentukna kawas kacang na vertebrata. Bagéan tina sistem urin, ginjal nyaring runtah (utamana uréa) tina getih sarta miceun babarengan jeung cai salaku urin. Widang médis nu ngulik ginjal sarta kasakit nu mangaruhan ginjal disebut nefrologi.

Dina awak manusa, ginjal mangrupa dua organ nu aya di tukangeun abdomén, kénca katuhueun tulang tonggong, handapeun ati jeung limpa. Di luhureun masing-masing ginjal nyaéta kelenjar adrénal.

Ginjal sipatna rétroperitonéal, nu hartina aya tukangeun peritoneum nu ngabungkus rongga abdominal, luhurna kira-kira sapantar jeung tulang tonggong T12 nepi ka L3. ku sabab ayana ati, ginjal nu katuhu perenahna leuwih handap batan nu kénca. Bagian luhur ginjal kajaga ku rusuk ka-11 jeung -12.

Gambar beulahan ginjal

Organisasi

Dina awak manusa sawawa anu normal, ginjal téh panjangna kira 11 cm, kandel 5 cm, beuratna 150 gr. Bentukna kawas kacang, konkaf di sisi nu nyanghareup ka jero (médial) . Bagian éta téh minangka lawang nu disebut hilus, tempat nyambungna artéri jeung véna rénal, sarta saraf jeung urétér.

Lapisan-lapisan ginjal ti luar nepi ka jero nyaéta renal cortex, renal medulla, jeung renal pelvis nu aya di bagian tengah. Bagian luarna dibungkus ku renal capsule nu dijieun tina loose connective tissue.

Fungsi rénal

Fungsi rénal ngawengku éxkrési runtah tina saluran getih, sékrési hormon - hususna éritropoiétin jeung rénin sarta ngajaga éléktrolit sérum, kadar asam-basa, jeung osmolality.

Pikeun leuwih lengkep tempo fisiologi rénal.

Kasakit jeung kalainan

Kasakit kongenital ginjal

• Hidronéfrosis kongenital
• renal dysplasia
• Obstruksi kongenital saluran kemih
• horseshoe kidney
• duplicated ureter

Kasakit nu narajang ginjal

• Batu ginjal
• Pyelonephritis, inféksi ginjal nu mimindengna alatan komplikasi inféksi saluran kemih.
• Azotemia, kaayaan toksik nu dicirikeun ku abnormalitas luhurna kadar uréa, kréatinin, sanyawaan runtah awak, sarta sanyawaan nitrogén dina getih.
• Hidronéfrosis, ginjal ngabadagan alatan obstruksi aliran cikiih.
• Dina sindrom néfrotik, glomérulus ruksak antukna protéin lolos kana cikiih. Gejala lianna nyaéta bareuh, handapna kadar albumin, jeung luhurna kadar koléstérol.
• tumor ginjal
  • tumor Wilms
  • Renal cell carcinoma
• gagal ginjal (akut jeung kronis)
• Glomérulonéfritis
• Diabetic nephropathy
• Lupus nephritis

Dialisis jeung cangkok ginjal

Sacara umum, urang bisa hirup ku boga hiji ginjal. Mun duanana geus teu bener fungsina, kudu ngalakukeun dialysis, nyaéta nyaring getih di luar awak. Cangkok ginjal ayeuna geus kaitung biasa. Cangkok ginjal munggaran nu hasil diumumkeun 4 Maret 1954 ku Peter Bent Brigham Hospital di Boston. bédahna dilaksanakeun ku Dr. Joseph E. Murray, nu taun 1990 dileler Hadiah Nobel widang Médis.

Émbaran séjén

Istilah médis nu patali jeung ginjal biasana maké émbohan rénal atawa néfro-.

Tempo ogé

• Urologi
• Nefrologi
• Anatomi manusa