[[image:parabot_lalaki.png|thumb|250px|Kanjut (manusa) nyaéta kantong ipis terusna [[abdomén]] nu ngawadahan [[téstés]] sarta ngabantu ngatur hawana.]]
Dina [[sato]] [[jalu]], '''kanjut''' (hartina "kantong leutik") atawa '''skrotum''' ([[basa Inggris|Ing]]. ''scrotum'') nyaéta kantong [[kulit]] luar katut [[otot]] nu ngandung [[téstikel]]. Kanjut mangrupakeun terusan [[abdomén]], nu tempatna antara [[sirit]] jeung [[kérod salawé]]. [[Homologi (biologi)|Homolog]] [[bikang]] nalika tumuwuhna utun inji nyaéta [[labia mayora]].
Fungsi kanjut sigana pikeun ngajaga sangkan hawa téstikel tetep sahandapeun awak. Pikeun manusa, hawa sabudeureun nu idéal nyaéta 34.4 darajat Celsius (94 darajat Fahrenheit); 36.7 darajat Celsius (98 darajat Fahrenheit) bisa ngaruksak [[spérma]]. Hawa ieu diatur ku ngendorkeun atawa murungkutkeun kanjut, luyu jeung hawa sabudeureunana, ku cara nu katelah ''[[cremasteric reflex]]'', prosés ngendoran jeung murungkutna [[otot cremaster]] na abdomén jeung [[dartos]] fascia (jaringan otot handapeun kulit) na kanjut.
Najan hawa nu cocog pikeun tumuwuhna spérma teu sarua di antara [[spésiés]], pikeun spésiés getih-haneut mah biasana séd saeutik ti hawa jero awak.
Pikeun manusa jeung sababaraha rupa sato, kanjut téh sok katutup ku [[baok]] nalika manjing rumaja/[[puber]].
==Sumber rujukan==
*[[:en:Scrotum|Scrotum, ti Wikipédia basa Inggris]], disalin ping [[6 Séptémber]] [[2005]].
