[[Gambar:426 C (Sanghyang Jati Maha Pitutur).png|thumb|right|200px| Naskah Sunda tina bahan awi]]
Alas tulis anu digunakeun pikeun nuliskeun naskah nyaéta daun [[gebang]] ([[nipah]]), [[lontar]], [[kalapa]], [[kawung]], [[awi]], [[daluwang]] (kulit tangkal saéh), jeung [[kertas Éropah]], jeung kertas pabrik. Numutkeun bahanna, naskah Sunda anu pangkolotna ditulis dina gebang, nyaéta Arjunawiwāha (kropak 641). Nu panglobana kapanggih nyaéta naskah nu ditulis dina Kertas Éropah.
Cara nuliskeunananuliskeun teks dina naskah aya anu digurat ku péso anu biasa disebut [[péso pangot]], aya anu diulas ngagunakeun nyéré harupat atawa kalam nu dicelepkeun kana mangsi. Wungkul naskah tina lontar anu ditulis ku cara digurat mah, sésana mah ditulis ngagunakeun mangsi. Mangsi nu dihasilkeun ti lingkungan asli Sunda mangrupa hasil olahan tradisional tina tutuwuhan, nyaéta [[nagasari]] jeung [[damarséla]].<ref name=Tabel Aksara Holle>{{cite book | author=Holle, K.F.| title= Tabel van Oud-en Nieuw-Indische Alphabetten. Bijdrage tot de Paleographie van Nederlandsch-Indie| publisher= Batavia: s'Hage, kaca 17| year=1882}}</ref>.
