Konten dihapus Konten ditambahkan
SU20Evita (obrolan | kontribusi)
Nyieun kaca anyar {{Taxobox | name = Embe | status = DOM | image = African Pygmy Goat 002.jpg | regnum = Animalia | phylum = Chordata | classis = Mammalia | ordo = [[Artioda...
(taya bédana)

Révisi nurutkeun 18 Oktober 2011 22.37

Embe
Status konservasi
Domesticated
Klasifikasi ilmiah
Karajaan:
Filum:
Kelas:
Ordo:
Kulawarga:
Subfamili:
Génus:
Spésiés:
Subspésiés:
C. a. hircus
Ngaran trinomial
Capra aegagrus hircus
(Linnaeus, 1758)

Embé nya éta salah sahiji sato memamah biak anu ukuranana sedeng. [1] Embé anu sok dijadikeun ingon-ingon (Capra aegagrus hircus) nya éta subspesies tina embé liar anu sumebar di Asia Barat Daya (wewengkon “Bulan sabit yang subur” jeung Turki) sarta Éropa. [1] Embé liar anu jalu atawa bikang ngabogaan tanduk sapasang, tapi tanduk dina embé jalu leuwih badag. [1] Umumna, embé miboga janggot, tarangna cembung, buntut rada nyungcung, sarta lolobana miboga bulu anu lempeng tur kasar. [1] Panjang awak embé liar, nya éta 1,3 méter nepi ka 1,4 méter, sedengkeun buntutna 12 séntiméter nepi ka 15 séntiméter. [1] Beurat embe bikang rata-rata 50 kilo nepi ka 55 kilo, sedengkeun anu jalu bisa nepi ka 120 kilo. [1] Embé liar sumebar ti Spanyol ka arah wétan nepi ka India, sarta ti India ka kalér nepi ka Mongolia sarta Siberia. [1] Habitat anu dipikaresep nya éta wewengkon pagunungan anu aya batuan. [1]
Embé geus dibudidayakeun ku manusa kira-kira 8000 nepi ka 9000 taun katukang. [1] Di alam aslina, embé hirup jujumplukan, limaan nepi ka duapuluhan dina sajumplukna. [1] Nalika néang kadaharan, jumplukan embé dipingpin ku embé bikang anu pangkolotna, sedengkeun embé-embé jalu ngajaga kaamanan jumplukanana. [1] Kadaharan utamana nya éta jukut sarta dangdaunan. [1] Dina sataun, embé bisa boga anak nepi ka dua kali. [1]

Jenis

Dumasar kana mangpaatna, embé aya tilu rupa nya éta embé pedaging atawa embé anu diarah dagingna, embé perah atawa embé nu diarah susuna, jeung embé dwiguna nya éta embé anu diarah boh daging jeung susuna, atawa daging jeung buluna. [2] Dumasar kana asalna, aya tilu rupa embé, nya eta embé lokal, embé Ras jeung embé bestar. [2] Embé lokal atawa embé anu aya di Indonesia nya éta embé kacangan atawa embé Jawa, embé gembrong atawa embé Bali, jeung embé mrica ti Sulawesi. [2] Sedengkeun embé Ras atawa embé ti luar nagri nya éta embé étawa ti India, embé saanen jeung embé toggenberg ti Swiss, embé anglo-nubian ti Afrika, embé alpino ti Pagunungan Alpen Swiss, embé beetal ti Pakistan. [2] Embé bestar nya éta embé hasil ngawinkeun tina embé lokal jeung embé Ras.[2]

Referensi

  1. a b c d e f g h i j k l m Hewan Kambing (id) (Diakses ping 19 Oktober 2011)
  2. a b c d e Suparman. 2007. Beternak Kambing. Jakarta:Azka Press Hal. 4