[[Gambar:Barter-Chickens for Subscription.jpg|thumb|300px|right|Hiji ilustrasi dina koran anu ngagambarkeun hiji lalaki anu keur barter mayar langganan koran ku produk pertanian]]
nyaéta kagiatan silitukeur barang antara individu/ kelompok jeung individu/ kelompok séjén didadasaran ku kamupakatan dua pihakanana.<ref name="Ahmad">Buchory, Ahmad. 2010. ''Barter''. Surakarta: Putra Nughara.</ref> Ti jaman baheula, manusa satékah polah usaha pikeun nyumponan kabutuhan.<ref name="Ahmad"></ref> Kabutuhan manusa mangsa baheula kaitung basajan, nepi ka dina nyumponana ogé henteu hésé teuing.<ref name="Ahmad"></ref> Manusa nyumponan pangabutuh hirupna dina awalna mah ku usahana sorangan; lamun lapar moro atawa ngala bungbuahan, pakéan cukup ku buatan sorangan.<ref name="Susilowati">Susilowati, Erna. 2007. ''Sejarah Uang''. Surakarta: Widya Duta Grafika.</ref> Lambat laun manusa mimiti ngarasa naon-naon anu dihasilkeunana ku sorangan can bisa nyumponan pangabutuh hirupna. <ref name="Susilowati"></ref> Jadi pikeun meunangkeun barang-barang anu henteu bisa dihasilkeun ku sorangan, manusa mimiti néangan manusa séjén anu daék nukeurkeun barang anu dipikabutuhna jeung barang milikna.<ref name="Susilowati"></ref> Mangka timbul silitukeur barang, anu disebut barter.<ref name="Susilowati"></ref> Silicumponan kabutuhan ku cara barter, dina awalna mah lumangsung lancar teu pati loba hambatan.<ref name="Ahmad"></ref> Tapi sanggeus manusa mingkin loba kabutuhanana, barter mingkin hésé dilaksanakeunana.<ref name="Ahmad"></ref>
== Fungsi Barter ==
# Minangka Média Transaksi.<ref name="Ahmad"></ref> Dina kagiatan barter, transaksi jual-beuli teu bisa dipilampah lantaran teu aya alat pembayaran anu bisa digunakeun.<ref name="Ahmad"></ref> Ajén masing-masing barang anu ditukeurkeun dianggap sarua.<ref name="Ahmad"></ref>
# Minangka Panghubung Antarindividu/ Kelompok.<ref name="Ahmad"></ref> Masing-masing pihak boga kamampuh anu béda nepi ka ngamungkinkeun ayana interaksi antarindividu/ kelompok anu kamampuh sumberdayana béda-béda.<ref name="Ahmad"></ref>
# Barter Ngurangan Surplus Barang.<ref name="Ahmad"></ref> Hiji jalma ngalakukeun barter lantaran mibutuh barang anu aya di jalma séjén.<ref name="Ahmad"></ref> Barang anu dipasrahkeun ka jalma séjén nyaéta barang anu ajénna kurang dibandingkeun jeung barang anu dipibutuh.<ref name="Ahmad"></ref>
== Kahéngkéran Barter ==
# Hésé manggihan jalma anu ngamilik barang anu keur dipibutuh tur daék nukeurkeunana.<ref name="Ahmad"></ref>
# Hésé meunang barang anu sarua ajénna.<ref name="Ahmad"></ref>