RNA

RNA atawa Ribonucleic Acid (basa Indonésia: Asam Ribonukléat) nya éta molekul-molekul gula D-ribosa, gugus fosfat, tapi basa nitrogéna kasusun ku basa purin (ngawengku adénin (A) jeung guanin (G)) sarta pirimidin (ngawengku urasil (U) jeung sitosin (C)).

Struktur RNA

Struktur jeung Tipe RNA

Substansi dasar nukléus kasusun ku nukléoprotéin anu dijieun ku protéin jeung asam nukléat. Dina kasus ieu, asam nukléat ngawengku dua rupa anu aya patalina jeung héréditas nya éta DNA (Deoxyribonucleic Acid) jeung RNA. Pungsi DNA nya éta salaku hétérokatalitik nya éta ngasintesis mulekul séjén saperti RNA. RNA mangrupa hasil transkripsi DNA. Sél prokariotik jeung eukariotik ngawengku asam inti anu disebut RNA. Beda jeung DNA anu boga ranté ganda, RNA ngan ngabogaan ranté tunggal. Unggal pita RNA mangrupa polinukléotida ti RNA.

Aya bebeda ogé jeung DNA anu ayana di nukléus, RNA lolobana aya di sitoplasma utamana ribosom sanajan aya ogé sababaraha di nukléus. Dina sitoplasma, lobana RNA bisa robah-robah. Kajadian ieu dipangaruhan ku aktivitas sintésis protéin. Nalika hiji protéin disintésis, eusi RNA dina sél bakal ngaronjat, kitu ogé sabalikna. RNA ngabogaan komponén gula anu wangunna D-ribosa (péntosa). RNA ogé ngabogaan basa nitrogén anu sarupa siga DNA, ngan basa timin jeung pirimidin diganti ku urasil.

RNA ngabogaan tilu tipe anu baris didadarkeun saperti ieu di handap:

• rRNA (ribosom RNA) nya éta RNA anu aya di sitoplasma utamana di ribosom jeung boga pungsi ngatur dina prosés sintésis protéin. rRna kuantitasna bisa nepi ka 80% tina jumlah sél RNA. Molekul