Samudra Pasifik: Béda antarrépisi

'''Samudra Pasifik''' atawa '''Lautan Iuh''' ([[basa Spanyol]]: Pacifico, hartina tenang) nyaéta kumpulan cai pangbadagna di Marcapada. Ieu ngawengku kira-kira sapertilu Bumi, ku legana 179,7 yuta km² (69,4 juta mi²). Panjangna kurang leuwih 15.500 km (9.600 mi) ti Laut Bering di Arktik nepi ka wates és di Laut Ross di Antartika di kulon. Samudra Pasifik nepi lebar wétan-kulon. Minangka Samudra palegana di dunya, parairan ieu ngawengku kurang leuwih sapertilu lakop marcapada. Titik panglandeuhna ti Samudra Pasifik nyaéta di dasar Palung Mariana di Kapuloan Mariana ku jerona -10.924 méter. Di sabudeur Samudra Pasifik loba gunung marapi sahingga sok rajeun lini. Teu saukur kitu, fénomena alam anu sok kajadian di laut ieu nyaéta badéy sarta angin puyuh. Badéy ieu anu tuluy narajang pulo-pulo disabudeur Samudra Pasifik. Di tengah Samudra Pasifik aya gugusan kapuloan Polynesia, Mikronésia, jeung mélanesia (kawasan ieu disebut Oceania). Posisi samudra Pasifik kacida penting pikeun séktor ékonomi jeung pulitik internasional. Nagara-nagara di kawasan ieu kagolong miboga tingkat tumuwuhna ékonomi anu luhur sarta gancang. Ku kituna diwangun forum gawébareng ékonomi nagara-nagara Pasifik (APEC).