Kobalt: Béda antarrépisi

'''Kobalt''' nyaéta hiji [[unsur kimia]] dina [[tabél périodik]] anu miboga lambang '''Co''' jeung [[nomor atom]] 27.<ref name="ptable"/> Kobalt mangrupa unsur [[féromagnetik]], heuras, getas, ngagurilap, sarta warnana [[pérak]]-kabodasan.{{fact}} Siga beusi, kobalt bisa dirobah jadi magnét ku sifat fisik mirip jeung [[beusi]] sarta [[nikel]].{{fact}} Ieu unsur aktif sacara [[kimia]] sarta bisa ngabentuk loba sanyawa.{{fact}} Kobalt stabil di udara sarta teu kapangaruhan ku [[aircai]], tapi saeutik-saeutik mah larut ku asam éncér.{{fact}} Sabagian badag cadangan kobalt nyangkaruk di inti [[marcapada]].{{fact}} Kobalt miboga kalimpahan rélatif handap dina kerak [[marcapada]] sarta di parairan.{{fact}} Sanajan tingkat rata-rata kobalt dina [[taneuh]] nyaéta 8 [[ppm]], aya daérah anu ngan miboga 0,1 ppm jeung tempat lian nepi ka saloba 70 ppm.{{fact}} Dina lingkungan [[laut]], kobalt dibutuhkeun ku ganggang bulao-héjo (''[[cyanobacteria]]'') sarta [[organisme]] pangiket [[nitrogén]] lianna.{{fact}} Kobalt teu kapanggih dina bentuk unsur bébas jeung umumna mah kapanggih dina bentuk bijih.{{fact}} Kobalt biasana teu ditambang sorangan tapinatapi minangka produk sampingan panambangan [[nikel]] jeung [[tambaga]].{{fact}} Bijih utama kobalt diantarana ''cobaltite, erythrite, glaucodot'', jeung ''skutterudite''.{{fact}} Produsen utama kobalt dunya nyaéta [[Républik Démokratik Kongo]], [[Tiongkok]], [[Zambia]], [[Rusia]], jeung [[Australia]].<ref name="amazine"/>