Dréstarata: Béda antarrépisi

'''Dréstarata''' (basa [[Sansekerta]]: धृतराष ; ''Dhritarāshtra'') dina [[wiracarita]] ''[[Mahabarata]]'', nyaéta anak ti [[Wicitrawirya]] jeung [[Ambika]]. Manéhna lolong ti mimiti lahir alatan indungna nutupan panon sawaktu ngalakonan upacara ''Putrotpadana'' anu diayakeun ku Resi [[Abiyasa]] pikeun meunangkeun turunan. Dréstarata mangrupa lanceuk téré [[Pandu]]. Sabenerna Dréstarata anu ngabogaan hak jadi Raja [[Astinapura]] alatan manéhna mangrupa anak Wicitrawirya anu pangkolotna. Tapi manéhna lolong sahinggaantukna pamaréntahan kudu dibikeun ka adina. Sanggeus Pandu mangkat, manéhna ngagantikeun kalungguhan adina kasebut. Dréstarata nyaéta salakina [[Gandari]] sarta bapana para [[Kurawa]].

Sanggeus [[Wicitrawirya]] mangkat tanpa ngabogaan turunan, [[Satyawati]] ngirim dua randa [[Wicitrawirya]], nyaéta [[Ambika]] jeung [[Ambalika]], pikeun manggihan Resi [[Abiyasa]] (anak [[Satyawati]] ti Resi Parasara), lantaran Sang Resi baris ngayakeun hiji upacara pikeun maranéhanana ambéhsangkan meunangkeun turunan. [[Satyawati]] ngajurung [[Ambika]] ambéhsangkan manggihan Resi [[Abiyasa]] di rohangan upacara. Sanggeus Ambika asupAmbikaasup ka rohangan upacara, manéhna nempo beungeut Sang Resi anu pohara pikasieuneun sarta panonna anu hurung ngempur. Hal éta ngajadikeun Ambika nutupan panonna. Alatan Ambika nutupan panon salila upacara lumangsung, mangka anakna lahir lolong. Anakna kasebut sanggeus lahir dingaranan Dréstarata.

Waktu anak kahijina nyaéta [[Duryodana]] lahir, [[Widura]] jeung [[Bisma]] nganaséhatan Dréstarata ambéhsangkan miceun anakna kasebut alatan tanda-tanda goréng anu nyimbutan waktu kalahiranana. Tapi alatan rasa asihna ka anak kahijina kasebut, manéhna henteu téga ngalakonanana sarta tetep ngasuh Duryodana salaku anakna.

Dréstarataa nyaéta salah sahiji ti sawatara pinisepuh Wangsa Kuru anu hadir nyaksian kaulinan dadu antara [[Duryodana]], [[Dursasana]], sarta [[Karna]] anu diwakilan ku [[Sangkuni]], ngalawan [[Pandawa]] anu diwakilan ku [[Yudistira]]. Yudistira kaleungitan sagala kakayaanana dina kaulinan dadu kasebut, kaasup kailangan baraya sarta pamajikanana. Waktu [[Drupadi]] ditaranjangan ku [[Dursasana]] di hareupeun para hadirin dina baleriung kaulinan dadu, Dréstarata henteu ngedalkeun sakecap ogé. Manéhna henteu ngahulag tindakan [[Dursasana]] anu rék ngalaan pakéan Drupadi. Sanggeus usaha Dursasana pikeun naranjangan Drupadi henteu hasil, [[Bima]] sumpah yén jaga manéhna baris maéhan Dursasana sarta nginum getihna. Saterusna Dréstarata ngarasakeun wirasat goréng yén turunanana baris binasa. Manéhna gancang nyieun hiji kawijakan, maréntahkeun [[Duryodana]] ambéhsangkan sagala harta Yudistira anu baris jadi milik Duryodana gancang dipulangkeun. Manéhna ogé ngajurung ambéhsangkan Yudistira jeung barayana geura balik ka [[Indraprahasta]].

Tapi, alatan pangrojong [[Duryodana]] jeung [[Sangkuni]], kaulinan dadu diayakeun deui pikeun anu kadua kalina. Ayeuna tarohanana lain harta, tapi saha anu éléh kudu ngabuang diri ka leuweung salila 12 taun, sanggeus éta hirup dina mangsa nyamur salila sataun, sarta sanggeus éta kaci balik ka karajaanana. [[Yudistira]] ogé henteu nampik ku harepan baris meunang, tapi sabalikna Yudistira éléh maén. Ahirna, Yudistira reujeung pamajikan sarta dulur-dulurnaa ngasingkeun diri ka leuweung sarta ninggalkeun karajaan maranéhanana.

Waktu Dréstarata dipinuhan ku kahariwang bakal ancurna Kurawa, manéhna sok nanya ka [[Sanjaya (Mhabarata) |Sanjaya]] ngeunaan kaayaan di médan Kuru atawa [[Kurusétra]]. Warta anu dicaritakeun ku Sanjaya lolobana mangrupa warta sedih pikeun Dréstarata, lantaran anakna hiji-hiji nungtutan gugur ditelasan ku [[Arjuna]] jeung [[Bima (Mahabarata)|Bima]]. Sanajan warta ti Sanjaya mindeng ngaleutikkeun haté Dréstarata, tapi Dréstarata satia merhatikeun satiap kajadian anu lumangsung dina perang di [[Kurusétra]].