Steven Spielberg: Béda antarrépisi
(taya bédana)
|
Révisi nurutkeun 2 Méi 2017 04.47
| Steven Spielberg | |
|---|---|
 | |
| Gumelar | 18 Désémber 1946[1] Cincinnati, Ohio, A.S.[1] |
| Padumukan | Los Angeles, California, A.S.[1] |
| Atikan | California State University[1] |
| Pagawéan | Produser, Sutradara, Penulis Naskah[1] |
| Taun aktip | 1959–ayeuna |
Steven Spielberg babar di Cincinnati, Ohio, Amerika Serikat, 18 Désémber 1946.[1] Spielberg nya éta salah saurang inohong dina widang film nu kasohor ti Amerika Serikat.[1] Ti semet yuswa 12 taun, Spielberg geus ngamimitian karirna di dunya film.[1]
Biografi
Steven Allan Spielberg babar dina taun 1946 di Ohio Amerika Serikat, putra ti pasangan Arnold Spielberg jeung Leah Frances.[2] Sepuhna duanana asli urang Rusia. Steven méakkeun mangsa budakna di Haddon Township, New Jersey, Phoenix, Arizona, jeung California.[2]
Awal Karir
Steven nyuprih élmu di California State University, ngan manéhna di drop out lantaran salila kuliah, manéhna bari ngungudag cita-citana di dunya film.[2] Sok sanajan kitu, harita Steven geus mimiti dipikawanoh salaku asistén diréktur dina film Barat klasik Wagon Trail (1957).[2] Di antara sababaraha karya mimitina, film Battle Squad, (1961) nu diangkat tina kajadian Perang Dunya II.[2] Manéhna ogé nyutradaraan film Escape to Nowhere taun 1961 nu nyaritakeun barudak leutik dina mangsa Perang Dunya II, nu salah saurang pamaénna nya éta dulurna sorangan Anne Spielberg.[2]
Labél Mayor
Steven ngamimitian karir mayorna dina taun 1974 ngaliwatan film The Sugarland Express bareng jeung Goldie Hawn.[2] Ngaliwatan éta film, ngaran manéhna mimiti kasohor.[2] Tina éta film manéhna meunang batu luncatan, dina taun 1975 Steven nyieun film nu judulna Jaws.[2]