Seblak: Béda antarrépisi

Seblak nyaéta kadaharan has Sunda nu rasana gurih jeung lada, dijieun tina kurupuk diasakan jeung sayuran, endog, lauk laut atawa daging sapi, diolah ku samara husus.<ref>Suara Desa. [http://www.suaradesa.com/tips/2016/07/01/resep-dan-cara-membuat-seblak-basah-telor-pedas-gurih-khas-bandung Resep dan Cara Membuat Seblak Basah Telor Pedas Gurih Khas Bandung]. Ditempona tanggal 15 Mei 2017.</ref> Sacara étimologi kecap seblak miboga harti ngadadak inget deui nepi ka reuwas; haté asa blak aya nu mukakeun nepi ka inget deui kareuwas baréto; teg kana haté deui.<ref>Dadadibrata, R.A. 2009. ''Kamus Basa Sunda R.A. Danadibrata''. Bandung: Panitia Penerbitan Kamus Basa Sunda Karya R.A. Danadibarata.</ref> Ari seblak nu dimaksud kiwari nyaéta kadaharan has Sunda nu asalna ti Bandung, Jawa Barat.<ref name=":0">Sun Javanese Food. [https://sun.javanesefood.com/wp/product/seblak/ Seblak]. Ditempona tanggal 15 Mei 2017.</ref> Seblak kiwari jadi jajanan jajanan nu dipikaresep ku barudak ogé kolotna komona mah di wewengkon Jawa Barat jeung Jabodetabek.<ref name=":0" /> Seblak disuguhkeun di réstoran jeung warung, sarta diider dina gorobag.<ref name=":0" />

Ari harti nu saujratna kecap seblak téh dipaké pikeun ngagambarkeun rasa anu nyaliara dina dada, nuduhkeun rasa haté anu ujug-ujug kagagas, rus-ras bari sakapeung ngahudang rasa kawaas.<ref name=":1">Sunda Online. [http://www.sundaonline.com/2016/09/seblak.html Seblak]. Ditempona tanggal 15 Mei 2017.</ref> Nyeblak hartina haté keur ngalaman kaseblak. Seseblakan hartina terus-terusan kaseblak.<ref name=":1" /> Dina nyeblak sok aya ogé rasa hariwang, paur.<ref name=":1" /> Jadi tingsareblak téh nuduhkeun kaayaan haté anu keur marojéngja.<ref name=":1" /> Ku kituna di pilemburan anu acan apaleun kana kadaharan nu ngaranna seblak mah, nyeblak, tingsareblak, atawa seseblakan, geus tangtu ngagambarkeun rasa téa.<ref name=":1" /> Ari seblak dina harti injeuman mah nya ngaran kadaharan téa.<ref name=":1" /> Ku kituna kecap nyeblak jadi kecap pagawéan anu hartina ngadahar seblak.<ref name=":1" />

Pangna éta kadaharan dingaranan seblak teh dumeh waktu ngadaharna matak nyeblak. Ku kituna, di palebah dieu mah seblak teh harti injeuman pedah rasa seblak teh lada matak reuwas.<ref name=":1" />

Dina ngonsumsi seblak, jelema sok némbongkeun ciri-ciri kaayaan awak nu dibarengan ku seuhahna dahar seblak.<ref name=":1" /> Bijilna késang ngagarajag saawak-awak, cimata rambay, irung ogé ngucur.<ref name=":1" /> Sirah nu tadina jangar jadi cénghar, téténjoan ogé asa ngempray.<ref name=":1" />