Guha: Béda antarrépisi
Nyieun kaca anyar thumb|right|200px|Guha pawon taun 1920-1932 '''Guha''' nyaéta liang badag anu aya dina taneuh,... |
(taya bédana)
|
Révisi nurutkeun 15 Juni 2017 23.33
Guha nyaéta liang badag anu aya dina taneuh, batu atawa di gunung kalawan bisa diasupan ku jalma.[1][2] Ayana guha kualatan taneuh jeung batu anu aya di éta tempat saeutik-saeutik leyur kabawa cai, lila kalilaan ngawangun liang anu badag (speleogenesisi).[3][1] Guha ogé ilahar dipaké pikeun nyebut kana liang anu leutik tina tumpukan batu karang anu aya dijero laut.[4]
Pedaran
Guha ngawujud ku ayana rupa-rupa kajadian géologi saperti lini, kagiatan mikroorganisme, bisa waé ngaliwatan proses kimia, érosi, cai, sarta ayana tekenan jeung pangaruh atmosfer. [5] Guha ilaharna aya di gunung apu, kualatan ayana cai hujan anu rembes kana rengat anu aya di éta gunung, cai anu rembes tuluy suub asup ka jero ngaleyurkeun apu anu aya, lila kalilaan rengat beuki ngagedean antukna ngawangun lombang jeung liang anu badag.[2]
Guha ngawujud ku kajadian alam disabudeureunna.[4] Batu, apu, jeung taneuh anu leyur kabawa rembesan cai biasana aya dijero taneuh kalawan mibanda ukuran anu gedé.[4] Sawaréh guha aya ngawangun speleothem kualatan rembesan cai tina lalangit guha anu tuluy-tuluyan dina waktu pohara lilana . [4] Pikeun maluruh umur jeung kajadian geologis anu dirandapan hiji guha bisa ditempo dina urut namperna cai dina dasar éta guha (isotop).[5]
Rupa-rupa guha
Ditempo tina lumangsungna kajadian anu ngawangun hiji guha, aya sababaraha téori anu nyebutkeun guha dibedakeun kana tilu rupa :
- Teori Vadose; hiji guha ngawujud ku alatan ayana cai anu rembes kajero kalawan ngaleyurkeun batu, taneuh, jeung apu anu kaliliwatan nepika ngawangun hiji liang.[1]
- Teori Deep Phreatic ; cenah guha téh ngawujud ku alatan cai anu ngocor kahiji tempat, tempat liliwatan éta cai ngalaman koropok anu antukna kabawa palid sarta ninggalkeun hiji lombang anu badag.[1]
- Teori Water Talbe ; numutkeun teori ieu cenah guha téh ngawujud ku alatan cai anu ngocor dina waktu anu lila dina dasar guha kalawan nimbulkeun dasar guha paragi liliwatan cai ngawangun hiji rohangan anu démprak. [1]
Dicutat tina
- ↑ a b c d e Surya Cipta Ramadhan Kete (2016). "Goa". Pengelolaan Ekowisata Berbasis Goa: Wisata Alam Goa Pindul. Sleman: deepublish. pp. 46–49. ISBN 978-602-401-143-7.
- ↑ a b Jonathan Rigg (1862). "G". A Dictionary of the Sunda Language of Java. Batavia: LANGE & CO. pp. 46–49.
- ↑ Malam dkk., John (2005). A Marshall, ed. Intisari Ilmu: Planet Bumi. London: PT Penerbit Erlangga. ISBN 979-781-078-x Check
|isbn=value (bantuan). - ↑ a b c d "Cavern Geology" (PDF). National Caves Association. Diakses tanggal 29 June 2016.
- ↑ a b Laureano, Fernando V.; Karmann, Ivo; Granger, Darryl E.; Auler, Augusto S.; Almeida, Renato P.; Cruz, Franciso W.; Strícks, Nicolás M.; Novello, Valdir F. (2016-11-15). "Two million years of river and cave aggradation in NE Brazil: Implications for speleogenesis and landscape evolution". Geomorphology 273: 63–77. doi:10.1016/j.geomorph.2016.08.009. http://www.sciencedirect.com/science/article/pii/S0169555X16306985.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
| Wikimedia Commons mibanda média séjénna nu patali jeung Caves . |