Wikipédia

Pasir: Béda antarrépisi

Éditan salajengna →
Konten dihapus Konten ditambahkan
Visual (béta)Téks wiki
Nyieun kaca anyar thumb|200px|right|Pasir-pasir anu aya, disawang ti [[Tasikmalaya ''Regency'']] '''Pasir''' nyaéta hiji tempat anu kaayaanna leuwi...
(taya bédana)

Révisi nurutkeun 19 Juni 2017 15.53

Pasir nyaéta hiji tempat anu kaayaanna leuwih luhur ti sabudeureunna tapi leuwih handap tur leutik tibatan gunung.[1] Pasir luhurna kurang ti 600 méter, taneuh pasir henteu rumpil atawa ngagawir, pasir wangunna henteu pati lega.[2] Dina basa Indonesia pasir disebut bukit; basa Inggris (hill).[2][3]

Pasir-pasir anu aya, disawang ti Tasikmalaya Regency

Pedaran

Sanajan wanguna kawas gunung, pasir beda jeung gunung sanajan henteu pati écés wates-watesna, hiji tempat disebut pasir dimana luhurna henteu leuwih ti gunung sarta tanjakanna henteu netek kawas gunung.[2] Di Inggris ahli geografi mertélakeun cenah anu disebut pasir téh dimana mibanda luhur henteu leuwih ti 304,8 méter tina beungeut cai laut.[3] Aya ogé anu nyebutkeun hiji tempat digolongkeun ana pasir umpama mibanda luhur sahandapeun 600 méter.[4] Di skotlandia malahan nyebut kana gunung téh pasir, buktina dina gunung-gunung anu aya di éta wewegkon loba anu mibanda ngaran dimimitian ku sebutan pasir atawa hill (Cuillin Hills Jeung Torridon Hills), Urang Amerika malahan henteu mibanda wates anu leuwih écés ngeunaan bedana pasir jeung gunung.[5] Dina basa melayu jeung Jawa, pasir téh hartina sarua jeung gunung, contona nyebutkeun gunung anu ngajajar di Pulo Sumatra di sebut Bukit barisan.[6]

 
Pasir anu aya di sabudeureun Candi abang

Ciri mandiri

Taneuh pasir kagolongkeun kana taneuh kelas 6 jeung 7 anu mibanda ciri mandiri:

  • Taneuhna dengdek (30% - 40%), gampang urug mangsa datang hujan
  • Taneuh suburna kawilang déét kulantaran mindeng urug
  • Kurang subur, ilahar dipaké melak tangkal kai (cengkéh, jati, karét, jeung sajabana)
  • Kudu dijieun séséngkéd umpama dipelakan palawija. [7]

Ngamangpaatkeun taneuh pasir

Taneuh pasir ilaharna dimangpatkeun pikeun melak palawija atawa paré huma, tapi henteu saeutik anu dipelak tangkal séjéna saperti :[8] Di Garut taneuh pasir dimangpaatkeun pikeun melak tangkal sereh wangi (cymbopogon nardus) lantaran ieu tangkal kudu katojo ku cahaya panon poé langsung (ulah kahieuan), di Manado pasir-pasir téh loba dipelakan tangkal cengkéh.[9] [10]

Dicutat tina

  1. ↑ Jonathan Rigg (1862). "Pasir". Di -. A Dictionary of the Sunda Language of Java. Batavia: Lange & Co. p. 355. 
  2. ↑ a b c Yudhistira Ghalia Indonesia (2002). "Pasir". Di Yanti herlanti, Tutut M Lestari, Donny H.F, Fatmi Septi Sari, S.Si. Llmu Pengetahuan Alam Ipa Kelas 3 Sekolah Dasar. Yogyakarta: Yudhistira. p. 66. ISBN 979-746-736-8. 
  3. ↑ a b Hill at the Great Soviet Encyclopedia.
  4. ↑ "Rolling Hills". www.eso.org. Diakses tanggal 12 December 2016. 
  5. ↑ "What is the Difference Between a Mountain and a Hill?". www.wisegeek.com. Diakses tanggal 3 Feb 2013. 
  6. ↑ (id)Bukit Barisan, Tulang Belakang Sumatera. kompas, Akses:29-04-2012.
  7. ↑ Rukmana, Ir. Rahmat (1999). Teknik Pengelolaan Lahan Berbukit Dan Kritis. Jakarta: Kanisius. 
  8. ↑ -, Evawarni (2009). Hubungan Antar Suku Bangsa di Kota Pangkalpinang. Jakarta: Direktorat Jenderal Kebudayaan. ISBN 978-979-1281-28-7. 
  9. ↑ D. Sastrapradja, Setijati (2012). Perjalanan Panjang Tanaman Indonesia. Jakarta: Yayasan Pustaka Obor Indonesia. ISBN 978-979-461-830-1. 
  10. ↑ Kardinan, M.Sc. APU, Ir. Agus (2005). Tanaman Penghasil Minyak Atsiri. Jakarta: AgroMedia,. ISBN 979-3702-43-5. 
  Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.


 
Wikimedia Commons logo
Wikimedia Commons mibanda média séjénna ngeunaan
Dicomot ti "https://su.wikipedia.org/w/index.php?title=Pasir&oldid=526953"