Zürich: Béda antarrépisi

'''Zürich''' nyaéta kota panggedéna nu aya di [[Suis|Swiss]] sarta mangrupakeun ibukota ti [[Kanton Zürich]]. <ref>{{Cite web|url=http://duniawisata.master.web.id/wordpress/?p=958|title=Swiss: Zurich Kota Kehidupan Berkualitas Baik Di Dunia {{!}} Dunia Wisata & Kuliner|website=duniawisata.master.web.id|language=en-US|accessdate=2017-11-15}}</ref> <ref>{{Cite web|url=http://www.keluargapelancong.net/mengunjungi-zurich-salah-satu-kota-termahal-di-dunia/|title=Mengunjungi Zurich salah satu kota termahal di dunia|last=|first=Ira|website=Keluarga Pelancong|publisher=28 Juni 2009|accessdate=15 November 2017}}</ref>Posisina aya di tungtung barat laut situ Zürich. Kota éta sorangan miboga kurang leuwih 380.500 penduduk. Ditambah deui ku daérah métropolitan Zürich téh asup ka daérah urbanisasi internasional anu ngabalukarkeun penduduk di kota éta aya kana 2 juta jiwa. Zürich miboga jalur transportasi [[rél]] [[karéta api]], jalan, jeung lalu lintas udara. Boh [[Bandara]] Zürich boh stasiun karéta api di ditu mangrupa bandara jeung stasiun anu panggedéna jeung pangsibukna di nagara éta.

Zürich kaasup kota anu kualitas hirupna pangalusna di dunya. Hal ieu ku sabab Zürich kaasup salasahiji kota anu biaya hirupna pangmahalna di dunya. Dina taun [[2012]] ''Economist Intelligence Unit'' ngalaporkeun Zürich kaasup kana 10 kota pangmahalna nu aya di dunya.<ref>{{Cite web|url=https://www.kompasiana.com/bart/zurich-adalah-kota-termahal-di-dunia_5529a81ef17e61e714d623c8|title=Zurich adalah kota termahal di dunia|last=Bart|first=Mohamad|website=Kompasiana|publisher=19 Mei 2013|accessdate=15 November 2017}}</ref> Kota Zürich di Swiss aya di posisi pangluhurna dina daftar éta, sedengkeun opat kota lainnya nyaéta [[Oslo]], [[Paris]], [[Frankfurt]], jeung [[Jenewa]]. Dibandingkeun jeung [[Berlin]], Paris, [[Hamburg]], [[Amsterdam]], jeung [[Bruessel]], jumlah penduduk Zürich henteu pati loba, tapi Zürich miboga kaunikan ala mediteran. [[Max Frisch]] ([[1911]]-[[1991]]), arsiték kasohor kalahiran Zürich nyebutkeun yén Zürich téh kota kleintropolis atawa métropolis leutik.

Suasana kota Zürich leuwih siga di [[Jérman]] kalawan gaya hirup nu tepat waktu sarta detail dina ngalakukeun sagala hal. [[Basa Jérman]] mangrupa [[basa]] utama warga Zürich kalawan dialék Swiss German. [[Masarakat Zürich]] asalna ti Jérman saméméh [[Éropa]] dipisahkeun jadi sababaraha nagara leutik. Masarakat Zürich ogé leuwih mentingkeun penampilan kalawan pakéan anu ''<nowiki/>'up to date''<nowiki/>', boh lalaki boh awéwé.

Di luar nagri, kota ieu kasohor pisan ku [[bank]]-bank gedéna. Minangka kota wisata, di Zürich loba gedong-gedong sajarah, [[Musium|museum]], gereja anu arsitékturna unik, tempat-tempat balanja éksklusif, taman-taman kota, sarta kawasan perairan anu ditata kalawan hadé. Unggal poé kurang leuwih aya lima juta turis anu ngadatangan Zürich.

Kota di jantung Éropa ieu gampang pisan lamun rék didatangan ti nagara-nagara sabudeureunana, bisa néknaék [[kapal udara]], beus, [[mobil]] atawa karéta api. Ngrulingan kota ieu kalawan maké kandaraan umum mangrupa cara nu paling loba digunakeun ku wisatawan. Jaringan angkutan umum di sabudeureun kota ieu miboga sistem anu hadé pisan. Tikétna bisa dibeuli di mesin otomat anu aya di ampir unggal halteu. Salian ti ngeunaheun jeung aman, kandaraan umum saperti [[beus]] jeung trém datang unggal sababaraha menit sakali. Di bulan [[April]] nepi ka [[Séptémber]] kapal boat dipaké ogé minangka kandaraan umum.