Citakan:Artikel petingan/Januari 2019

Presiden AS Ronald Reagan (kiri) jeung Sekretaris Jenderal Soviét Mikhail Gorbachev, papanggih di Jenewa dina taun 1985.

Perang Tiis (Basa Inggris: Cold War, Basa Rusia: холо́дная война́, kholodnaya voyna, 1947–1991) nyaéta sesebutan kana ayana kategangan pulitik jeung militer antara Dunya Kulon, nu dipingpin ku Amérika Sarikat jeung sekutu NATO, ngalawan Dunya Komunis, nu dipingpin ku Uni Soviét jeung sekutu nagara-nagara satelitna. Paristiwa ieu dimimitian ku kajayaan Sekutu dina ngéléhkeun Jerman Nazi dina Perang Dunya II, nu nyésakeun Amérika Sarikat jeung Uni Soviét nu jadi dua nagara adidaya di dunya ku bédana idéologi, ékonomi, jeung militer nu gedé. Uni Soviét, babarengan jeung nagara-nagara di Éropa Wétan nu dijajahna, Blok Wétan. Prosés pamulihan anggeusna perang di Éropa Kulon dipasilitasan ku program Rencana Marshall Amérika Sarikat, jeung pikeun nandingana, Uni Soviét ogé nyieun COMECON babarengan jeung sekutu Wétanna. Amérika Sarikat nyieun aliansi militer NATO dina taun 1949, sadengkeun Uni Soviét ogé nyieun Pakta Warsawa dina taun 1955. Babaraha nagara milihan pikeun milu kana salah sahiji ti dua nagara adidaya ieu,sadengkeun nu lainna milih pikeun tetep nétral ku dijieunna Gerakan Non-Blok. Lengkepna >>>