Juz

Juz (Basa Arab: جُزْءْ‎, plural أَجْزَاءْ ajzāʼ, harti saleresna "bagéan") nyaéta cara pambagian Al-Quran anu ngabagi Al-Quran jadi 30 bagéan. Sanajan Al-Quran bisa mulai maca ti bagéan mana waé, sistem ieu bisa ngagampangkeun jalma anu rék ngaji salila 30 poé (sabulan).

Juz Amma

Juz dina Al-Quran anu paling dikenal nyaéta juz 30 anu disebut ogé juz amma. Eusina nyaéta surat anu ka 78 nepi ka 114. Juz ieu dinamian amma kusabab ngarujuk kana kata kahiji dina juz ieu nyaéta عم (trans: 'amma) dina surah An-Naba' ayat hiji.

Hampir kabeh surah dina juz ieu téh nyaéta surah-surah pondok anu diturunkeun di Mekkah (Makkiyah). Ngan ukur aya tilu surah anu diturunkeun di Madinah (Madaniyah) nyaéta surah Al-Bayyinah, Az-Zalzalah, jeung An-Nasr. Surah anu boga ayat pang lobana dina juz ieu nyaéta Surah An-Nazi'at (46 ayat), Surah 'Abasa (42 ayat), jeung Surah An-Naba (40 ayat). Surah Al-Quran anu pang pondokna ogé aya di juz ieu nyaéta Surah Al-Kausar anu panjangna ngan 3 ayat.

Umumna, surah-surah dina juz ieu dibaca ku imam sanggeus maca Surah Al-Fatihan dina mangsa solat, boh éta solah wajib (Subuh, Magrib, Isya) boh solat sunaah berjamaah (Tarawih atawa Witir). Di Indonesia, juz 30 biasana dicitak jadi buku sorangan anu dijudulan Juz Amma. Eusina ngan ukur nyantumkeun surah-surah juz 30 hungkul.

Maca Al-Quran Sapoé Sajuz

Di Indonesia, aya gerakan maca Al-Quran sapoé sajuz anu dimimitian ku dua pamuda nyaéta Bhayu Subrata dan Pratama Widodo di taun 2007. Program ieu ngajak masarakat jang mulai rutin maca Al-Quran nepi ka bisa namatkeun (khatam) Al-Quran dina waktu sabulan. Kagiatan sarupa ieu teu dilakukeun ku umat Islam di Indonesia hungkul tapi geus jadi tradisi anu dilakukeun ku umat Islam di seluruh dunya. Umumna kagiatan ieu dilaksanakeun salila bulan Ramadhan dimana umat Islam paloba-loba ibadah, kaasup maca Al-Quran.