Pupuh: Béda antarrépisi

'''Pupuh''' téh nyaéta wangun [[puisi lisan]] tradisional [[Sunda]] (atawa mun di [[Pulo Jawa|Jawa]], katelah ogé '''[[macapat]]''') nu tangtu pola (jumlah engang jeung sora) kalimahna. Nalika can pati wanoh kana wangun puisi/sastra modérn, pupuh ilahar dipaké dina ngawangun [[wawacan]] atawa [[dangding]], luyu jeung watek masing-masing pupuh nu ngawakilan kaayaan kajadian nu keur dicaritakeun<ref name=Tujuh Welas Pupuh>[http://www.sundanet.com/artikel.php?id=21 Tujuh Welas Pupuh] ti Sundanét.com]</ref>. Séjén ti éta, dina istilah karawitan sarua jeung sekar irama merdika nyaéta, wirahma bébas nu kauger ku aturan nu tangtu tur mibanda watek nu ngagambarkeun masing-masing pupuh<ref name=Panglengkep Pangajaran Pupuh>Kosasih, E. (2003). ''Panglengkep Pangajaran Pupuh''. Bandung: CV. Walatra </ref>.

Pupuh téh kauger ku wangun jeung eusina. Dumasar wangunana, pupuh téh kauger ku guru wilangan jeung guru lagu. Guru wilangan nyaéta patokan jumlah padalisan dina unggal pada sarta lobana engang dina unggal padalisan, sedengkeun guru lagu nyaéta patokan sora vokal dina tungtung unggal padalisan. Ari patali eusina, pupuh kudu ngagambarkeun sipatna séwang-séwangan, naha patali jeung kabungah, kasedih, atawa heureuy<ref name=Maher Budaya Sunda>Suryani, E. (2003). ''Maher Budaya Sunda''. Sumedang. ALQA Print, kc. 39</ref>. Rakitan/ugeran pupuh téh biasa dipaké dina karangan-karangan pondok ([[dangding]], [[guguritan]], jeung rumpaka [[sawér]]). Lian ti éta, aya ogé nu makée rakitan pupuh dina karangan panjang atawa naratif ([[wawacan]]). Maca wacana puisi dina wangun pupuh téh biasana dihariringkeun atawa ditembangkeun<ref name=Kamus Istilah Sastra Sunda>Iskandarwassid. (2016). ''Kamus Istilah Sastra Sunda''. Bandung:CV. Geger Sunten, kc. 119</ref>.

*Pupuh Kinanti: Kidung, Balaka, Layar Putri, jsb.

*Pupuh Sinom: Banjarsinom, Ciawian, Cirebonan, jsb.

*Pupuh Asmarandana: Bangkong, Candrawulan, jsb.