Maria Theresia: Béda antarrépisi
Konten dihapus Konten ditambahkan
Tidak ada ringkasan suntingan |
Tidak ada ringkasan suntingan |
||
Baris ka-21:
Mangsa kakawasaanna salila 40 taun dimimitian sanggeus bapana, [[Kaisar Karl VI]], tilar dunya bulan Oktober 1740. Karl VI geus méré jalan pikeun Maria Theresia sangkan jadi panuluy kalawan ngalumakukeun [[Sangsi Pragmatik 1713|''Sanctio Pragmatica'' 1713]], tur sang jenatna kaisar ogé geus ngocorkeun sagala pajoangan ambéh timbalannana angger diadegkeun. Namung, anjeunna ngingkeun saran ti [[Pangéran Eugene ti Savoia|Pangéran Eugène de Savoie]], yén pasukan anu kuat jeung anggaran anu ngaruah téh leuwih penting tibatan saukur tanda tangan ti nagara séjén. Pamustungannana, Karl VI ninggalkaun ieu negara dina kaayaan anu malarat kalawan pasukan anu lemah, utamana balukar [[Perang Pawaris Polandia]] jeung [[Perang Rusia-Turki (1735–1739)]]. Sanggeus Karl VI ngantunkeun, [[Éléktorat Sachsen|Sachsen]], [[Karajaan Prusia|Prusia]], [[Éléktorat Bayern|Bayern]], jeung [[Karajaan Prancis|Prancis]] nolak ''Sanctio Pragmatica'' sanajan maranéhna kungsi ngaku nalika mangsa pamaréntahan Karl VI. [[Friedrich II ti Prusia]] (anu laju jadi musuh bubuyutan Maria Theresia) langsung méré serangan jeung ngarebut provinsi Habsburg anu beunghar di [[Schlesien]] dina konflik anu prah salila tujuh taun anu dipikawawuh ku sesebutan [[Perang Pawaris Austria]]. Pikeun nyanghareupan ancaman ti nagara-nagara ieu, Maria Theresia suksés meunangkeun rojongan anu penting kacida ti [[Karajaan Hongaria|Hongaria]]. Tuluy, salila lumangsungna perang ieu, Maria Theresia mampu mitahankeun sabagian badag wewengkonna, najan anjeunna kudu masrahkeun Schlesien jeung sababaraha wewengkon leutik di Italia. Maria Theresia tuluy nyobaan ngarebut deui Schlesien salila [[Perang Tujuh Taun]], ngan euweuh hasilna.
Maria Theresia jeung salakina, [[Franz Stephan]], dikaruniaan sabelas budak awéwé (kaasup [[Marie Antoinette]] anu engkéna bakal jadi Ratu Prancis, [[Maria Karolina ti Austria|Maria Karolina]] engkéna jadi Ratu Napoli jeung Sisilia, jeung [[Maria Amalia ti Austria|Maria Amalia]] anu bakal jadi Adipati Wanoja Parma), sarta lima budak lalaki, kaasup dua urang anu engkéna bakal jadi Kaisar Romawi Suci, [[Joseph II, Kaisar Romawi Suci|Joseph II]] jeung [[Leopold II, Kaisar Romawi Suci|Leopold II]]. Ti genep belas budak-budakna, ngan sapuluh anu mampu tahan hirup nepi ka umur déwasa. Sanajan Maria Theresia dipangkirakeun bakal nyerahkeun kakawasaan ka Franz jeung Joseph (duanana sacara resmi boga peran salaku jelema-jelema anu ngawasa bareng jeung manéhna di Austria jeung Böhmen), Maria Theresia mangrupa saurang pangawasa mutlak anu ngajalankeun pamaréntahan dumasar kana naséhat ti panaséhat-panaséhatna. Manéhna ngritik jeung nangtang loba tindakan anu dicokot ku Joseph.
| |||