At Takwir

At Takwir التّكوير
Informasi
Ngaran séjén	Idzasy syamsu kuwwirot
Golongan	Makkiyah Al-Mufassal
Surah ka	81
Juz	Juz 30
Statistik
Jumlah ruku'	1 ruku'
Jumlah ayat	29 ayat

At Takwir (basa Arab: التّكوير, "Ngagulung") nyaéta surat ka-81 dina al Qur'an. Surat ieu kagolongkeun kana surat Makkiyah, diwangun ku 29 ayat. Dingaranan At Takwir anu hartina ngagulung ti kecap dasar ‘’kuwwirot’’ anu aya dina ayat kahiji surat ieu.

Poko-poko Eusi

• Génjlongan-génjlongan anu lumangsung dina poé kiamat
• Dina poé kiamat saban mahluk baris nyaho naon anu geus dipigawéna mangsa di dunya
• Al Qur'an nyaéta firman Alloh anu ditepikeun ngaliwatan perantaraan malaikat Jibril
• Panegasan kana kanabian Muhammad s.a.w.
• Al Qur'an sumber pituduh pikeun umat manusa anu hayangeun hirup lempeng
• Hasilna manusa dina ngahontal kahirupan anu lempeng éta gumantung kana tofiq ti Alloh

Eusi jeung Tarjamah

Ayat ka	Tulisan Arab	Tarjamah basa Sunda
1.	إِذَا ٱلشَّمۡسُ كُوِّرَتۡ	Upama srangéngé geus digulungkeun.
2.	وَإِذَا ٱلنُّجُومُ ٱنكَدَرَتۡ	Jeung upama (béntang-béntang) muruluk.
3.	وَإِذَا ٱلۡجِبَالُ سُيِّرَتۡ	Jeung upama gunung-gunung dirungkadkeun.
4.	وَإِذَا ٱلۡعِشَارُ عُطِّلَتۡ	Jeung upama onta-onta nu keur rareuneuh diarantep.
5.	وَإِذَا ٱلۡوُحُوشُ حُشِرَتۡ	Jeung upama sasatoan nu garalak dikumpulkeun.
6.	وَإِذَا ٱلۡبِحَارُ سُجِّرَتۡ	Jeung upama laut ngagolak mudal.
7.	وَإِذَا ٱلنُّفُوسُ زُوِّجَتۡ	Jeung upama roh geus dihijikeun (jeung ragana).
8.	وَإِذَا ٱلۡمَوۡءُ ۥدَةُ سُٮِٕلَتۡ	Jeung upama barudak awéwé anu diruang kérépés dipariksa.
9.	بِأَىِّ ذَنۢبٍ۬ قُتِلَتۡ	Ku sabab dosa naon manéhna dipaténi.
10.	وَإِذَا ٱلصُّحُفُ نُشِرَتۡ	Jeung upama buku-buku amal dibagikeun.
11.	وَإِذَا ٱلسَّمَآءُ كُشِطَتۡ	Jeung upama langit dimusnahkeun.
12.	وَإِذَا ٱلۡجَحِيمُ سُعِّرَتۡ	Jeung upama naraka geus dihurungkeun.
13.	وَإِذَا ٱلۡجَنَّةُ أُزۡلِفَتۡ	Jeung upama sawarga geus disadiakeun.
14.	عَلِمَتۡ نَفۡسٌ۬ مَّآ أَحۡضَرَتۡ	Saban jelema baris nyaho kana (amal) anu geus disadiakeun.
15.	فَلَآ أُقۡسِمُ بِٱلۡخُنَّسِ	Ku kituna Kami sumpah demi (béntang-béntang) nu tilem-timbul.
16.	ٱلۡجَوَارِ ٱلۡكُنَّسِ	Nu maluter, nu tarilem.
17.	وَٱلَّيۡلِ إِذَا عَسۡعَسَ	Jeung (demi) janari nalika méh lastari.
18.	وَٱلصُّبۡحِ إِذَا تَنَفَّسَ	Jeung (demi) subuh nalika bray-brayan.
19.	إِنَّهُ ۥ لَقَوۡلُ رَسُولٍ۬ كَرِيمٍ۬	Saéstuna éta téh kasauran utusan nu mulya (Jibril).
20.	ذِى قُوَّةٍ عِندَ ذِى ٱلۡعَرۡشِ مَكِينٍ۬	Nu bogaeun kakuatan ti Alloh nu kagungan a’rasy nu linuhung.
21.	مُّطَاعٍ۬ ثَمَّ أَمِينٍ۬	Nu diturut tur dipercaya.
22.	وَمَا صَاحِبُكُم بِمَجۡنُونٍ۬	Jeung saéstuna sobat maranéh téh lain jelema gélo.
23.	وَلَقَدۡ رَءَاهُ بِٱلۡأُفُقِ ٱلۡمُبِينِ	Jeung saenyana manéhna (Muhammad) geus ningali manéhna (Jibril) di luhur kalayan tétéla.
24.	وَمَا هُوَ عَلَى ٱلۡغَيۡبِ بِضَنِينٍ۬	Jeung manéhna lain anu sok dituding bohong dina perkara goib.
25.	وَمَا هُوَ بِقَوۡلِ شَيۡطَـٰنٍ۬ رَّجِيمٍ۬	Jeung ieu Qur’an téh lain omongan sétan anu dila’nat.
26.	فَأَيۡنَ تَذۡهَبُونَ	Ku kituna rék ka mana maranéh nya indit?
27.	إِنۡ هُوَ إِلَّا ذِكۡرٌ۬ لِّلۡعَـٰلَمِينَ	Ieu Qur’an téh taya lian iwal ti pituduh keur sakumna pangeusi alam.
28.	لِمَن شَآءَ مِنكُمۡ أَن يَسۡتَقِيمَ	Nyaéta pikeun sing saha ti antara maranéh anu hayang lempeng lampahna.
29.	وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَـٰلَمِينَ	Sarta maranéh henteu mikarep naon-naon anging upama dikersakeun ku Alloh, Pangéran Nu Murbeng Alam.

Rujukan

1. Al-Amin Al-Quran Tarjamah Sunda ku K.H. Qamaruddin Shaleh, C.V. Penerbit Diponegoro, Bandung, 2003.
2. Al Quran dan Terjemahnya, Departemen agama, C.V. Toha Putra, Semarang, 1971

Surat sateuacanna: Abasa	Surat 81	Surat saparantosna: Al Infithor
	Al Qur'an
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114