Damon Albarn
Damon Albarn nyaéta perosnil ti grup musik blur anu lahir tanggal 23 Maret 1968 di Whitechapel, London, Inggris[1][2]. Damon nyaéta anakna Keith jeung Joan[2]. Damon anu pindah ka Colchester, Damon mulai diajar musik jeung drama (kurang leuwih akhir taun 70an)[2]. Damon papanggih jeung Graham Coxon, terus ngabentuk grup musik, dingaranan Seymour anu ayeuna mah geus diganti jadi blur[1][2]. Gaya musik loba maké kekecapan anu sarkastik tapi éndah kapirengna kajaba deuih sorana anu unik[2]. Damon Albarn loba kapangaruhan ku The Beatles, Rolling Stones, Kinks, jeung Small Face[2].
Kira-kira taun 1980an, Damon pindah widang garapan, tina musik kana drama, terus pindah ka Debden pikeun diajar di the east 15 Drama school[3]. Sabada manéhna nyindekkeu yén manéhna téh aktor panggoréngna saalam Dunya, Damon milih pikeun mulang deui ka imahna[3]. Damon nyokot keurseus musik di Goldsmith College, London Kidul nu di mana manéhna apanggih jeung Graham deui[3]. Saacan ngabentuk Seymour (ayeuna blur), Damon panggih jeung para personilna, Graham Coxon (gitar), Dave Rowntree (drum), jeung Alex James (bass) dina hiji grup sirkus. Damon Albarn anu vegetarian (resep sayur) ieu ngabentuk hiji grup musik animasi anu dingaranan Gorillaz[2].
Référénsi édit
- ↑ a b Profil Damon Albarn-kapanlagi.com (diaksés tanggal 20 Nopémber 2011)
- ↑ a b c d e f g (en)bio-trivia-Damon Albarn-imdb.com (diaksés tanggal 20 Nopémber 2011)
- ↑ a b c (en)Damon Albarn-vblurpage Archived 2011-10-12 di Wayback Machine (diakséstanggal 21 Nopémber 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |