Irving Langmuir (1881-1957 nyaéta saurang kimiawan asal Brooklyn, New York ngahiji jeung asosiasi laboratorium panalungtikan General Electric Company.[1] Anjeunna ngawanohkeun atom hidrogén-las, nimukeun lampu tungsten anu dieusian gas, jeung alatan karyana dina vakum anu luhur matak méré kontribusi gedé kana kamekaran radio tabung vakum.[1] Anjeunna ngalegaan karya Gilbert Lewis dina beungkeutan electron, jeung ngamekarkeun téori ngeunaan struktur atom.[1]

Irving Langmuir

Dina panalungtikanana ngeunaan tegangan permukaan dina kimia permukaan anjeunna ngamekarkeun téhnik anyar (maké monolayer, nyaéta lapisan molekul hiji molekul kandel]] pikeun studi molekul, anu boga mangpaat dina panalungtikan ngeunaan mikroorganisme jeung racun jeung dina studi liana anu méré kontribusi kana kamajuan dina widang imunologi.[1]

Gelar kahormatan anu dileler ka Langmuir di antarana dibikeun ku paguron luhur jeung universitas ieu; Northwestern, Uni, Edinburgh (Skotlandia), Kolombia, Kenyon, Princeton, Lehigh, Harvard, Oxford, Johns Hopkins, Rutgers, Queens (Kanada), jeung Stevens Institute of Technology.[2]

Hobi Dr. Langmuir téh nyaéta naék gunung, ski, ngapung jeung anu pangdipikaresepna téh nyaéta pikeun maham kana mékanisme fénoména alam anu basajan jeung akrab. anjeunna nikah jeung Marion Merseréau dina taun 1912.[2] Anjeunna bgoa saurang putra, Kenneth, jeung saurang putrid, Barbara. Sabada gering wales, anjeunna tilar dunya tanggal 16 Agustus 1957.[2]

Sumber édit

  1. a b c d (en)Langmuir, Irving (diakses tanggal 14 November 2011)
  2. a b c (en)The Nobel Prize in Chemistry 1932 Irving Langmuir (diakses tanggal 14 November 2011)