Kamalir (caren) nyaéta jalan cai atawa bagéan tina hiji tempat anu aya di sawah, tambak, jalan, atawa kebon anu ngahaja dijieun leuwih jero tibatan sakurilingna.[1][2] Kamalir ilaharna dijieun gigireun galengan sawah atawa meulah tengah-tengah sawah jeung kebon.[3] Kamalir ogé nunjul kana jalan cai anu aya disagigireun jalan pikeun nandéan cai hujan sangkan jalan henteu kakeueum ku cai (pangpalidan).[3]

kamalir sisi sawah

Kagunaan édit

Sagigireun paranti ngaliwat cai, kamalir ogé bisa dipaké liliwatan jalma utamana mangsa barang gawé atawa ngaroris pepelakan. [2] Kamalir di sawah sok dipaké ogé pikeun miara lauk sangkan henteu kalabur tur gampang diala.[3] Kamalir anu aya di sisi jalan pikeun ngajaga cai hujan henteu limpas atawa naneum di jalan. [1] Di sawah jeung kebon kamalir téh pikeun malidkeun cai naneum sangkan hawa bisa asup ka jero taneuh, upama henteu dipalidkeun taneuh anu kakeueum bisa haseum balukarna goréng mangsa dipelakan atawa kurang subur.[2]

Dicutat tina édit

  1. a b S.IP, M.Pd, Suhaya (2007). Basa Sunda. Bandung: Yudhistira Ghalia Indonesia. ISBN 9789797468828. 
  2. a b c J. Ochse, Jacob (1921). Hal mĕlak sayuran. Batavia: Commissie voor de Volkslectuur. 
  3. a b c Khairuman, SP, H. (2013). Budi Daya Ikan Nila. Jakarta: AgroMedia. ISBN 9789790064560.