Kate Winslet nyaéta aktris anu dibabarkeun di Reading Berkshire England Inggris taun 1975 anu pernah maén minangka Rose DeWitt Bukater dina film TITANIC 1997[1].Kate Winslet miboga ngaran lengkep nyaéta Kate Elizabeth Winslet ping 5 Oktober[1].

Kate Winslet

Karir édit

  • Kate dipikawanoh ku loba masarakat minangka Rose DeWitt Bukater dina film anu disutradaraan ku James Cameron, TITANIC 1997,anu ngabalukarkeun manéhna asup jadi nominasi best aktris academy award[1]. Film taun 1997 ieu, nyaritakeun ngeunaan tilemna kapal Titanic dina lalayaranana anu munggaran taun 1912[1]. Film ieu jadi film suksés anu bisa meunangkeun 11 Academy Awards (Oscar) ping 23 Maret 1998[1].
  • Lian ti éta Kate pernah jadi Clementine Kruczynski dina film ETERNAL SUNSHINE OF THE SPOTLESS MIND 2004 jeung dituluykeun kana film LITTLE CHILDREN 2006, nalika manéhna akting jadi Sarah Pierce,ngabalukarkeun manéhna asup kana nominasi best aktris Oscar[1].
  • Teu ngan saukur bisa akting sacara visual, Winslet bisa ogé mintonkeun aktingna sacara audio ku cara jagi pangeusi sora dina film animasi FLUSHED AWAY, THE HOLIDAY jeung DEEP SEA 3D taun 2006[1].
  • Sapanjang taun 2007, Winslet teu mintonkeun pangabisa dina aktingna ku sabab manéhna hayang leuwih museurkeun paniténa kana kahirupan kulawarga[1].
  • Nalika taun 2008, manéhna tuluy akting deui dina film THE READER jeung REVOLUTIONARY ROAD[1]. Tina dua film ieu, Winslet meunangkeun nominasi dina acara Academy Award pikeun katégori Best Actress[1]. Aktingna minangka wanoja Jerman nu yuswana 30-an nubobogohan jeung saurang lalaki anu kaitung masih kénéh rumaja dina film THE READER ngabalukarkeun manéhna meunangkeun piala Oscar[1].
  • Lamun salila ieu Kate tara meunang piala Oscar sanajan sok asup kana nominasi, tapi dina Academy Awards ka-81 Winslet bisa meunangkeun piala salaki aktris nu panghadéna[1].

Kahirupanana édit

Kate Winslet kawin ka sutradara Jim Threapleton nalika bulan November 1998[1]. Maranéhna disinugrahi budak awéwé Mia Honey 2000 tina hasil perkawinanana téh[1]. Sabada pipirakan dina taun 2001, Winslet kawin jeung sutradara Sam Mendes nalika bulan Mei 2003 anu satuluyna miboga budak nu dibéré ngaran Joe Mendes 2003[1].Lian ti éta saméméhna gé Winslet pernah miboga tatali asih jeung aktor Rufus Sewall ogé aktor Stephen Tredre anu wafat taun 1997[1]. Sataun sabada narima panglélér piala Oscar taun 2009 lantaran aktingna anu alus dina film The Reader, Kate Winslet pipirakan jeung salakina sutradara Sam Mendes[2]. Kajadian éta ngabalukarkeun kahirupanana teu stabil, manéhna butuh waktu lila pikeun memener deui kahirupanana nepi ka 10 bulan[2].

Referensi édit

  1. a b c d e f g h i j k l m n o p PROFIL KATE WINSLET Archived 2012-11-07 di Wayback Machine(diakses 23 November 2011)
  2. a b Kate Winslet: DiCaprio, Dia adalah Batu Karangku...(diakses 26 November 2011)