Konsinyasi
Konsinyasi nyaéta hiji métode penjualan ku cara nitipkeun barang dagangan ka pihak séjénna pikeun dijual ku harga jeung persyaratan anu geus di tangtukeun saméméhna. Perjanjian konsinyasi eusina nyaéta naon waé anu mangrupa hak tur kawajiban dua beulah pihak. Konsinyasi bisa dihartikeun ogé minangka hiji situasi di mana pihak nu nyekel barang persediaan jadi agén pikeun anu boga barang sabenerna. Pihak-pihak anu aya dinu konsinyasi nyaéta antara lain:
- Pengamanat (consignor) nyaéta pihak anu nitipkeun banda atawa anu boga éta banda. Pengamanat bakalan tetep nyatetkeun banda anu dititipkeuna minangka persediaan salila barang anu dititipkeuna éta acan laku kajual atawa can aya informasi di komisioner.
- Komisioner (consignee) nyaéta pihak anu katitipan banda ti pengamanat pikeun dijual ku manéhna.
Pengamanat atawa komisioner meunang kauntungan dinu ayana konsinyasi ieu. Keur pengamanat ayana konsinyasi ieu sacara teu langsung sakaligus ngapromosikeun produkna sakaligus ningkatkeun kauntungan ku cara ngagedéan daerah pamasaranana. Salian ti éta, komisioner meunang kauntungan sabab manéhna teu kudu ngaluarkeun modal pikeun usahana. Komisioner ogé moal bisa rugi lamun prodak anu dititipkeunna teu laku ku sabab bisa dibalikeun deui ka pengamanat anu nitipkeun prodakna.