Lombang
Lombang nyaéta jinis kalian atawa ngalewona taneuh nu umumna mah leuwih jero batan rubakna (minangka lawan tina jungkrang, atawa kamalir), jeung deuih heureut tinimbang jeung panjangna (minangka lawan tina liang basajan).[1]
Dina géologi, lombang kacipta tina hasil urugan taneuh boh dibalukarkeun ku walungan atawa ku obahan géologi lémpéng téktonik. Ari di widang téhnik sipil mah, lombang sok dikali tujuanna pikeun masangkeun infrastruktur jero taneuh atawa sarana lianna pikeun dikubur di jero taneuh (kayaning pipah gas, pipah cai atawa jalur telepon), ogé infrastruktur anyar lianna nu jalurna perlu dikubur di jeroeun taneuh. Lombang ogé sok dikali pikeun tujuan pertahanan militér. Dina arkéologi, "métodeu lombang" dipaké pikeun néangan jeung ngali ruruntuhan kuna atawa pikeun ngali lapisan matérial nu namper.
Di masyarakat pilemburan, lombang ilahar dijieun pikeun tujuan tempat miceun runtah. Di ieu lombang runtah sok kasampak seuneu durukan ngabebela tina prosés insinerasi atawa ngadurukan runtah.[2] Lombang ogé sok kabentuk sacara teu kahaja, duméh tina hasil kalian cadas, keusik atawa kalian pikeun sumur.[3]
Rujukan édit
- ↑ Code of Federal Regulations, Title 29, Volume 8, Page 374 (Code revised as of July 1, 2003, via Compliance Magazine's website) Archived Juni 2, 2007, di Wayback Machine
- ↑ xxxxx. "Laboratorium SMK: Pengertian Insinerasi Dalam Penanganan Limbah Industri" (dalam bahasa en-US). LABORATORIUM SMK. http://www.labsmk.com/2017/10/pengertian-insinerasi-dalam-penanganan.html. Diakses pada 2018-04-11
- ↑ "Cara Menggali Sumur yang Benar" (dalam bahasa en-US). Arafuru. http://arafuru.com/sipil/cara-menggali-sumur-yang-benar.html. Diakses pada 2018-04-11