Maher Zain (Basa Arab: ماهر زين‎; gumelar di Tripoli, Lebanon, 16 Juli 1981; umur 42 taun) nyaéta saurang Muslim Swédia panyanyi R&B, panulis lagu sarta produser musik asli Lebanon.[1] Ku lobana fans Facebook dibandinkeun jeung artis Muslim lianna, Maher Zain meunangkeun pangajén minangka panyanyi sarta panulis lagu anu jadi béntang pangbadagna dina musik modérn Islami.[2] Debut albumna nyaéta Thank You Allah anu dirilis taun 2009 liwat labél Awakening Records.[1] Eusina 13 lagu jeung dua bonus track, ieu album dipromosikeun liwat akun jajaring sosial.[1] Ieu album suksés ngaraih 8 Platinum Awards ti Warner Music Malaysia ku pajualan pangluhurna salila taun 2010.[1] Jeung dina taun 2011, ieu album meunang Double Platinum Award ti Sony Music Indonésia.[1] Maher Zain nyanyi dina basa Inggris, tapi manéhna ogé ngarilis sawatara laguna anu kasohor kana sawatara basa.[1] Lagu Insha Allah nyaéta salah sahijina anu geus aya dina vérsi basa Perancis, Arab, Turki, Malayu jeung Indonésia.[1] Fadly, vokalis band Padi ogé ngontribusi kana lagu Maher Zain anu judulna Rest Of My Life dina Basa Indonésia.[1] Maher Zain ogé miboga fans anu kawilang loba di Indonésia.[1] Dina bulan Januari 2010, Maher Zain meunangkeun pangajén Best Religious Song pikeun laguna, Ya Nabi Salam Alayka.[1] Bulan Maret 2011, Maher Zain ngarilis hiji lagu, Freedom. Jeung dina bulan Julina, Maher jadi cover majalah lifestyle UK Muslim.[1]

Maher Zain
Maher Zain di Tuisa charity concert Éssen, Jérman 2012
Profil
Native nameماهر زين
NamiMaher Mustafa Maher Zain
Gumelar16 Juli 1981 (1981-07-16) (yuswa 42)
Tripoli, Lebanon
AsalSwédia
Aliran
Pacabakan
Alat musik
  • Vokal
  • gitar
  • piano
  • keyboard
  • perkusi
  • synthesizers
Taun aktip2009 - kiwari
LébelAwakening
Maén di
Ramatlokawww.maherzain.com

Rujukan édit