Muhammad bin Musa al-Khwarizmi
Abdullah Muhammad bin Musa al-Khwarizmi babar dina taun sakitar 164 H (780 M) di daérah Khwarizmi (Khiva modérn) Asia Tengah.[1] Sarta maot dina taun 232 H (847 M) di Baghdad.[1] nyaéta salah saurang ilmuwan muslim kasohor anu méré kontribusi dina widang matematika nu nyieun dasar-dasar tina élmu aljabar.[1]
.jpg) Perangko Muhammad bin Musa al-Khwarizmi | |
| Gumelar | 780 M[1] Khiva, Uzbekistan[1] |
|---|---|
| Maot | 847 M[1] |
| Jaman | Abad pertengahan[1] |
Panemuan Ilmiah al-Khwarizmi édit
Al-Khwarizmi miboga sababaraha hasil panalungtikan ilmiah sarta buku-buku nu dikarangna dina widang matematika (ngitung, aljabar, jeung géométri), astronomi, géografi, sarta musik.[2] Ku lantaran kitu, Al-Khwarizmi dibéré kapercayaan ti dua khalifah (Al-Ma'mun jeung Al-Watsiq) pikeun migawé tugas-tugas husus, sarta ngayakeun panalungtikan ilmiah.[2]
Panemuan dina Widang Matematika édit
Al-Khwarizmi nyutat angka-angka India tur nyieun buku ngeunaan éta angka-angka.[2] Buku éta mangrupa buku nu mimiti asup ka Eropa sanggeus ditarjamahkeun kana basa Inggris ku Adelard of Bath.[2] Salila sababaraha abad, ieu buku jadi rujukan pikeun para ilmuwan, pabisnis, sarta insinyur.[2] Urang Eropa nuliskeun ngaran Al-Khwarizmi salaku panulis éta buku ku ngaran anu béda-béda, di antarana aya Guaresmo, Algorithm, Algoritmi, atawa Algoritmus, tapi anu paling kasohor nyaéta Algoritmi.[2]
Panemuan dina Widang Aljabar édit
Élmu aljabar nyaéta élmu paninggalan Arab-Islam sarta karya Al-Khwarizmi.[2] Al-Khwarizmi ngagagas ieu paélmuan sarta misahkeun ieu paélmuan tina élmu ngitung biasa.[2] Ku lantaran kitu, Al-Khwarizmi nulis buku nu judulna Aljabar wal Muqabalah.[2]
Rujukan édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |