Observatorium Bosscha mangrupa tempat pikeun nempo béntang pangheubeulna di Indonésia.[1]

Observatorium Boscha, Lémbang, Bandung, Indonésia

Sejarah édit

Observatorium Bosscha diadegkeun tanggal 1 Januari 1923 ku NISV (Nederlandsch-Indische Sterrenkundige Vereniging) atawa Perhimpunan Bintang Hindia Belanda dina mangsa jajahan baheula.[1] Observatorium ieu mimitina miboga tujuan pikeun ngamajukeun Élmu Astronomi di Hindia Belanda (Indonésia).[1]

Observatorium ieu didanaan ku Karel Albert Rudolf Bosscha salah saurang tuan taneuh di kebon téh Malabar, observatorium ieu ayana di wewengkon Lémbang, kira-kira 15 kilométer ti bagéan kalér Dayeuh Bandung, Jawa Barat.[1] Legana kira-kira genep héktar, jangkungna kira-kira 1.300 méter. Tempat ieu dipaké pikeun ngimeutan béntang-béntang, planét-planét sarta barang-barang luar angkasa séjénna.[1] Pangwangunan ieu observatorium kurang leuwih ngabutuhkeun waktu 5 taun, ti taun 1923-1928. Sanggeus perang dunia II bérés, diayakeun rénovasi gedé-gedéan di ieu patempatan sabab loba karuksakan. Tanggal 17 Oktober 1951, NISV nyerahkeun ieu laboratorium ka pamaréntah Indonésia. Saprak harita, Bosscha dijadikeun lembaga panalungtikan jeung pendidikan formal astronomi di Indonésia.[2]

Fasilitas édit

Observatorium pangalusna di Asia Tenggara ieu miboga lima teleskop gedé, nyaéta :

  1. Téléskop Refraktor Dobel Zeiss,
  2. Téléskop Schmidt Bima Sakti,
  3. Téléskop Refraktor Bamberg,
  4. Téléskop Cassegrain GOTO jeung
  5. Téléskop Refraktor Unitron.[1]

Unggal téléskop ieu miboga fungsina masing-masing saluyu jeung kaperluanana. Tahun 2004, Observatorium Bosscha dijadikeun Benda Cagar Budaya ku pamaréntah. Kusabab éta, Observatorium Bosscha ieu aya dina panyalindungan UU No 2/1992 ngeunaan Benda Cagar Budaya. Taun 2008, pamaréntah netepkeun Observatorium Bosscha salaku Objek Vital Nasional.[3]

Waktu Kunjungan édit

Aya tilu jenis kunjungan anu disadiakeun ku Observatorium Bosscha, nyaéta:[4]

1. Beurang, nyaéta pikeun nempo fasilitas observatorium, nempo sarta meunang pedaran ngeunaan téléskop jeung astronomi sacara umum.[4]

2. Peuting, nyaéta pikeun nempo fasilitas observatorium, meunang pedaran ngeunaan astronomi, sarta bisa nempo barang-barang luar angkasa, lamun cuacana cerah.[4]

3. Peuting sarta kunjungan husus, luyu jeung jadwal aktifitas panalungtikan di Bosscha (misal ngimeutan samagaha bulan, atawa komét).[4]


 



Rujukan édit

  1. a b c d e f Jelajah Bandung Archived 2011-03-19 di Wayback Machine (Diakses tanggal 13 November 2011)
  2. Bosscha, Observatorium. "Sejarah dan Perkembangan Terkini". Observatorium Bosscha (dalam en-us). Diakses tanggal 2019-11-23.  Archived 2020-09-28 di Wayback Machine
  3. Bosscha, Observatorium. "Sejarah dan Perkembangan Terkini". Observatorium Bosscha (dalam en-us). Diakses tanggal 2019-11-23.  Archived 2020-09-28 di Wayback Machine
  4. a b c d Kunjungan (Diakses tanggal 13 November 2011)