John Michael Osbourne atawa anu kasohor Ozzy Osbourne nyaéta vokalis grup musik heavy metal Black Sabbath anu kakoncara dina éra 70an[1]. Ozzy lahir di Aston, Birmingham, Inggris tanggal 3 Désémber 1948[1]. Bapana nyaéta tukang nyieun pakakas, sedengkeun Indungna gawé di pausahaan mobil, Lucas[2]. Ozzy nyaéta anak ka 4 ti 6 sadulur, manéhna meunangkeun landian Ozzy nalika SD[2]. Osbourne anu boga masalah dyslexia ieu kaluar ti sakola nalika umur 15 taun, tuluy manéhna digawé, Ozzy ogé kungsi dipenjara alatan ngarampok[2]. Ozzy asup grup musik babaturanna, Earth, anu engkéna jadi Black Sabbath[2]. Salila hirupna, Ozzy ngalaman masalah jeung narkoba katut narkotika anu nyababkeun Ozzy kudu direhabilitasi[1].

Ozzy Osbourne dilélér walk of star Birmingham (2007)

Ngeunaan kahirupan pribadina, Ozzy geus nikah 2 kali[1]. Pertama, Ozzy nikah jeung Thelma Mayfair (1971-1981) anu disinugrahan 2 anak, di antarana: Louis Osbourne jeung Jessica Starshine Osbourne[1]. Istri kaduana nyaéta Sharon Osbourne anu ditikah taun 1982, tina ieu hubungan, Ozzy disinugrahan 2 anak, di antarana: Aimee Osbourne, Kelly Osbourne jeung Jack Osbourne[1]. Sabada teu produktip di Black Sabbath, debut karir solo Ozzy dimulai dina taun 1979[1]. Albumna Blizzard of Ozz (1980), Diary of a Madman jeung No More Tears (1991), jadi album suksésna salila karir solo[1]. Dua album ieu kajual leuwih ti 4 juta kopi di Amerika[1].

Référénsi édit

  1. a b c d e f g h i Profil Ozzy Osbourne-kapanlagi.com (diaksés tanggal 22 Nopémber 2011)
  2. a b c d (en)Biografi Ozzy Osbourne Archived 2011-12-06 di Wayback Machine (diaksés tanggal 22 Nopémber 2011)