Roti buaya (Aksara Sunda Baku: ᮛᮧᮒᮤ ᮘᮥᮃᮚ) nyaéta roti anu wujudna kawas buaya anu dibawa mangsa upacara sésérahan ti pangantén lalaki ka imah panganten awéwé, utamana dina upacara adat kawinan urang Batawi.[1] Roti buaya anu dibawa téh sapasang jalu jeung bikang, nu mangrupa hiji perlambang kasatiaan.[1] Ieu roti henteu mibanda rasa tur taya katangtuan dina rasa, wujudna kawas buaya kalawan mibanda ciri-ciri anu tangtu.[2] Aya ogé nu nyebutkeun cenah, ieu roti téh minangka perlambang kasabaran jeung kasatiaan.[1]

Roti buaya

Ilaharna roti buaya dijieun papaés mangsa upaca kawinan, ditunda dina baki anu dipapaés ku kertas warna warni.[1] Gedé jeung leutikna roti buaya, gumantung kana kahayang anu boga hajat, tapi lolobanana mah panjangna satengah méter.[1] Kiwari tukang nyieun roti buaya téh geus arang langka kapanggih, sok padahal ieu roti téh mangrupa hiji-hijina roti anu moal tangtu kapanggih di daérah séjén.[2]

Dicutat tina édit

  1. a b c d e Mulyawati, Wahyuni (2007). Hidangan Betawi. Yogyakarta: Gramedia Pustaka Utama. ISBN 9789792225105. 
  2. a b Rachmat, Junarti, Rohmawati, Sri Mulyani, Titi karyati, Sunarto (2009). Pendidikan Lingkungan dan Budaya Jakarta kls 6. Yogyakarta: Ganeca Exact. ISBN 9789795713265.